आगामी निर्वाचनमा एमालेले ५१ प्रतिशत जनताको मत हासिल गर्नेः अध्यक्ष ओली

राजनीति

Home
राजनीति
आगामी निर्वाचनमा एमालेले ५१ प्रतिशत जनताको मत हासिल गर्नेः अध्यक्ष ओली

आगामी निर्वाचनमा एमालेले ५१ प्रतिशत जनताको मत हासिल गर्नेः अध्यक्ष ओली

नेकपा एमालेका अध्यक्ष केपी शर्मा ओलीले एमालेबाट निर्वाचित जनप्रतिनिधिमा शालिनताका साथ जनताको काम गर्नु पर्ने बताउनुभएको छ। उहाँले सार्वजनिक सम्पत्तिको रक्षा गर्दै जनतालाई सरल र सहज ढंगले लाग्न निर्देशन दिनु भएको हो ।

शनिवार नेपालगञ्जमा आयोजित जनप्रतिनिधिहरुको प्रशिक्षण कार्यक्रममा उहाँले यस्तो बताउनु भएको हो । अध्यक्ष ओलिले अहमता र घमण्डलाई त्यागेर जनप्रतिनिधिले शालिनताका साथ जनताको सेवामा लाग्न आग्रह गर्दै अबको निर्वाचनमा हरेक तहमा ५१ प्रतिशत जनताको मत हासिल गर्ने गरी एमाले अगाडि वढ्नु पर्ने बताउनुभयो।

नेकपा (एमाले) प्रदेश कमिटी अध्यक्ष राधाकृष्ण कँडेलको अध्यक्षतामा भएको कार्यक्रममा पार्टी उपाध्यक्ष विष्णु पौडेल, पार्टी सचिव एवं लुम्बिनी प्रदेश इन्चार्ज पद्मा अर्याल लगायत नेताहरुले जनताको काम सहज तरिकाले गरेर पार्टीलाई मजबुत बनाउन ध्यान दिनुपर्ने बताउनुभयो ।

प्रशिक्षणमा लुम्बिनी प्रदेशमा एमालेबाट निर्वाचित राष्ट्रियसभा सदस्य, प्रतिनिधिसभा सदस्य, प्रदेशसभा सदस्य र स्थानीय तहका निर्वाचित जनप्रतिनिधि सहभागी छन् । प्रशिक्षण आइतबारसम्म चल्ने बताइएकाे छ ।

प्रकाशित मिति: आइतबार, साउन १४, २०८० ०७:०२

प्रतिक्रिया दिनुहोस्