नवलपरासीमा आदिवासी जनजातीहरुले बुधवार २९ औ बिश्व आदिवासी दिवस मनाए

कला/संस्कृति

Home
कला/संस्कृति
नवलपरासीमा आदिवासी जनजातीहरुले बुधवार २९ औ बिश्व आदिवासी दिवस मनाए

नवलपरासीमा आदिवासी जनजातीहरुले बुधवार २९ औ बिश्व आदिवासी दिवस मनाए

नवलपरासीमा नेपाल आदिबासी जनजाती महासंघ जिल्ला समन्वय परिषदको आयोजनामा आज २९ औ बिश्व आदिबासी दिवस मनाइएको छ ।

महासंघकी जिल्ला अध्यक्ष तारा रानाको अध्यक्षतामा भएको कार्यक्रममा लुम्बिनी प्रदेशका भौतिक पूर्वधार मन्त्री धर्मबहादुर चौधरीको प्रमुख आतिथ्यतामा कार्यक्रम सम्पन्न भएको छ । कार्यक्रममा बोल्दै प्रमुख अतिथि चौधरीले आदिवासीका परंपरागत सीप र कौशललाई विकास र प्रबर्धन गर्नु पर्नेमा जोड दिनु भयो । उहाँले आदिवासी समुदायको भाषा साहित्य, संस्कृति, दर्शनको संरक्षण, संवर्द्धन र विकासमा सचेत र प्रतिबद्ध रहेको बताउनु भयो ।

कार्यक्रममा बर्दघाट नगरपालिकाका नगरप्रमुख शम्भुलाल श्रेष्ठ,सरावल गाउँपालिका अध्यक्ष सुखाडीप्रसाद चौधरी, आदिबासी जनजाती नवलपरासीका पुर्व अध्यक्ष देवराज चौधरी, बर्दघाट १६ का वडा अध्यक्ष भिमकाजी गुरुङ्ग, सुनवल १ का वडाध्यक्ष मनबहादुर थापा मगर, बर्दघाट ७ का वडाध्यक्ष ध्रुववहादुर थारु, थारु कल्याण कारिणी सभा जिल्ला अध्यक्ष मुन्द्रिका चौधरीले, संघका जिल्ला उपाध्यक्ष गुलाब चौधरी, सचिव देवान गुरुङ्ग र सहसचिव जोगमाया चौधरी लगायतले शुभकामना व्यक्त गर्नु भएको थियो ।

त्यसअघि वर्दघाट नगरपालिकाको टिसियन चोकबाट आदिवासी जनजातिमा आवद्ध विभिन्न जातजातिको साँस्कृतिक झाँकि सहितको प्रस्तुती र यालिको आयोजना गरी नगरपरिक्रममा गरेको महासंघका सचिव गुरुङ्गले नेपाली चेलीलाई जानकारी दिनु भयो ।