निजी विद्यालयहरूले आइतबारदेखि देशव्यापी रुपमा घोषणा गरेको आन्दोलन फिर्ता

शिक्षा

Home
शिक्षा
निजी विद्यालयहरूले आइतबारदेखि देशव्यापी रुपमा घोषणा गरेको आन्दोलन फिर्ता

निजी विद्यालयहरूले आइतबारदेखि देशव्यापी रुपमा घोषणा गरेको आन्दोलन फिर्ता

प्रतिकरात्मक फोटो फाइल

शिक्षा विधेयकको विरोधमा उत्रिएका निजी विद्यालयहरूले आइतबारदेखि देशव्यापी रुपमा घोषणा गरेको आन्दोलन फिर्ता गरेका छन् । विद्यालय शिक्षासम्बन्धी कानुनलाई संशोधन र एकीकरण गर्न बनेको विधेयक २०८० सरकारले सच्याउने भएपछि विद्यालय सञ्चालकहरूले आन्दोलन स्थगित गरेको बताइएको छ ।

विद्यालय सञ्चालकहरूसँग शुक्रबार आज उपप्रधान एवं रक्षामन्त्री पूर्णबहादुर खड्का, शिक्षामन्त्री अशोक राई लगायतले वार्ता गर्नु भएको हो । शुक्रबार सरकारी पक्ष र निजी विद्यालय सञ्चालकहरूबीच भएको वार्ताको क्रममा विधेयक सच्याउने कुरामा सरकार सहमत भएकोले आन्दोलन रोकिएको हिसानका अध्यक्ष रमेश सिलवालले बताउनु भयो ।

यस्तै सरकारसँग भएको छलफलमा सञ्चालकहरुले राखेको माग सम्बोधन हुने प्रतिवद्धता भएपनि आन्दोलन स्थगन गरेको प्याब्सनका अध्यक्ष डीके ढुंगानाले जानकारी दिनु भयो । “हामीले राखेको मागहरुको विषयमा सरकारले गम्भीरता पूर्वक लियो, सरोकारवालाहरुको विषय पनि सम्बोधन गर्ने र त्यसमा आवश्यक छलफल गर्ने भन्ने भएपछि आन्दोलन स्थगन गरेका हौ ।” उहाँले भन्नु भयो ।

निजी विद्यालय सञ्चालकहरूको संगठन प्याब्सन, एन प्याब्सन र हिसान लगायतको आन्दोलन स्थगित भएसँगै अब आइतबारदेखि शैक्षिक संस्थाहरूमा पठनपाठन नियमित रुपमा सञ्चालन हुने बताइएको छ । उनीहरुले आफूहरुको माग सम्बोधन नभएमा साउन २८ गतेदेखि देशभर अनिश्चितकालीन विद्यालय बन्द गर्ने घोषणा गरेका थिए ।

८८1691752311.jpg