रामग्राम नगरद्वारा १ सय १२ बर्षिय पुरुष र ९९ बर्षिय एकल महिलालाई सम्मान

प्रेरक प्रसंग

Home
प्रेरक प्रसंग
रामग्राम नगरद्वारा १ सय १२ बर्षिय पुरुष र ९९ बर्षिय एकल महिलालाई सम्मान

रामग्राम नगरद्वारा १ सय १२ बर्षिय पुरुष र ९९ बर्षिय एकल महिलालाई सम्मान

परासी । रामग्राम नगरपालिकाले नगर क्षेत्र भित्रकै जेष्ठ नागरिकहरुलाई सम्मान गरेको छ । रामग्राम नगरपालिका वडा नं. १६ निवासी ११२ बर्षिय भागिरथी थारु र रामग्राम वडा नं. १५ डिघवल निवासी ९९ बर्षिय एकल महिला नजबु निसा धुनियालाई सम्मान गरेको हो ।

नगरपालिकाले १३ औं नगर सभाको अवसरमा शुक्रवार जेष्ठ नागरिक सम्मान गरेको हो । यस्तै नगरपालिकाले नगरक्षेत्रका सफल कृषक, सफल सहकारी, सफल खेलाडि, उद्योगी व्यवसायी, रामग्रामका राष्ट्रिय कलाकार र पत्रकार, वित्तिय संस्थाहरुलाई सम्मान पत्रद्धारा सम्मान गरिएको छ ।

नगर सभा कै अवसरमा आदर्श माध्यमिक विद्यालय भित्र सञ्चालित दृष्टि विहिन श्रोतका बालबालिकालाई विगत २० बर्षदेखि सेवा गर्दै आउनु भएकी टिकासरा वि.कलाई पनि सम्मान गरिएको छ ।

यस्तै नगरको सौन्दर्यीकरणमा सहयोग गरेको भन्दै जिल्ला प्रशासन, प्रहरी, नेपाली सेना र ससत्र प्रहरी बल र नगरपालिकामा सरसफाईको क्षेत्रमा काम गर्ने दजर्नौ सफाईकर्मीहरुलाई नगद सहित सम्मान गरिएको रामग्राम नगरपालिकाका नगर प्रमुख धनपत यादवले बताउनु भयो ।

Diraj Treders