श्रमिक महिला दिवसको अवसरमा पाल्हीनन्दनका ५३ जना महिला सम्मानीत

प्रेरक प्रसंग

Home
प्रेरक प्रसंग
श्रमिक महिला दिवसको अवसरमा पाल्हीनन्दनका ५३ जना महिला सम्मानीत

श्रमिक महिला दिवसको अवसरमा पाल्हीनन्दनका ५३ जना महिला सम्मानीत

बेलासपुर । पाल्हीनन्दनमा ५३ जना महिलाहरुलाई बिहिवार सम्मान गरिएको छ । सामुदायिक महिला स्वास्थ्यको क्षेत्रमा कार्यरत महिलाहरुलाई सम्मान गरिएको गाउँपालिकाले जनाएको छ । गाउँपालिकाका ६ वटै वडाका आमा समूहका अध्यक्षहरुलाई सम्मान गरिएको हो ।

“महिलामा लगानी, सभ्य समुन्नत समाजको थालनी” भन्ने राष्ट्रिय नारा सहित ११४ औं अन्तर्राष्ट्रिय श्रमिक महिला दिवसको अवसरमा महिलाहरुलाई सम्मान गरिएको महिला तथा बालबालिकाका शाखा प्रमुख सुमन गुप्ताले जानकारी दिनु भयो ।

पाल्हीनन्दन गाउँपालिकाकी उपाध्यक्ष फातिमा खातुन अन्सारीको अध्यक्षता र गाउँपालिकाका अध्यक्ष बैजुप्रसाद गुप्ता दिपकको प्रमुख आतिथ्यमा कार्यक्रम गरिएको हो ।

सो अवसरमा प्रमुख प्रशासकीय अधिकृत बुद्धप्रकाश पौडेल, वडा नं. २ का अध्यक्ष जगदिशप्रसाद गुप्ता, वडा नं.३ का अध्यक्ष गोधनप्रसाद हरिजन, आमा समूहको प्रतिनिधित्व गर्दै रिना गौंड लगायतले शुभकामना व्यक्त गर्नु भएको स्थानीय रन्जित शर्माले जानकारी दिनु भयो ।

galaxy parasi