दाइजोरहित विवाह गर्ने ४ जोडी सम्मानीत

प्रेरक प्रसंग

Home
प्रेरक प्रसंग
दाइजोरहित विवाह गर्ने ४ जोडी सम्मानीत

दाइजोरहित विवाह गर्ने ४ जोडी सम्मानीत

8th March

पाल्हीनन्दन । पाल्हीनन्दन गाउँपालिका वडा नं. ५ गेर्मीमा दाइजो रहित विवाह गर्ने ४ जोडी र चालु आ.ब.मा उत्कृष्ट ९ जोडीलाई बिहिवार सम्मान गरिएको छ । समाजमा सकारात्मक भूमिका खेलेका १३ जोडिलाई सम्मान गरिएको सुनवल सामुदायिक विकास केन्द्रका सामाजिक परिचालक अशोक गुप्ताले जानकारी दिनु भयो ।

११४ औं अन्तर्राष्ट्रिय श्रमिक महिला दिवसको अवसरमा आयोजना गरिएको कार्यक्रममा असल जोडिहरुलाई सम्मान गरिएको हो । कार्यक्रममा वडा नं. ५ का अध्यक्ष दयाशंकर त्रिपाठीको अध्यक्षता र गाउँपालिकाका अध्यक्ष बैजुप्रसाद गुप्ता दिपकको प्रमुख आतिथ्यता रहेको थियो । सो अवसरमा अध्यक्ष गुप्ताले महिलाहरु आफ्नो हक र अधिकारमा सचेत हुनु पर्ने बताउनु भयो । उहाँले महिलाहरुलाई हिंसा सहेर नबस्न आग्रह गर्नु भयो ।

कार्यक्रममा गाउँपालिकाले विभिन्न क्षेत्रलाई कार्यक्षेत्र बनाएर काम गर्ने दर्जन वढी संस्थाहरुलाई प्रसंशा पत्र प्रदान गरेको थियो । कार्यक्रममा शान्तिको कामना गर्दै २५० वटा बेलुन उडाइएको थियो ।

सो अवसरमा आफन्त नेपालकी विपना सुनार, सुनवल सामुदायिक विकास केन्द्रकी परियोजना संयोजक ज्योतीसिंह राय, सामुदायिक रेडियो परासी ९०.२ मेगाहर्जका प्रवन्ध निर्देशक मेघराज गौतम लगायतले बोल्दै अन्तराष्ट्रिय महिला दिवसको शुभकामना व्यक्त गर्नु भएको थियो । कार्यक्रमको सहजिकरण पालिका स्तरीय बहुसरोकारवाला फोरममा आवद्ध संघसंस्थाहरुले गरेका थिए ।

nepli cheli