जिल्ला प्रहरी कार्यालय नवलपरासीमा भोजपुरी भाषामा नागरिक वडापत्र

खास खबर

Home
खास खबर
जिल्ला प्रहरी कार्यालय नवलपरासीमा भोजपुरी भाषामा नागरिक वडापत्र

जिल्ला प्रहरी कार्यालय नवलपरासीमा भोजपुरी भाषामा नागरिक वडापत्र

भाषिक समस्याका कारण आमनागरिकले प्रहरी सेवाबाट बञ्चित र थप झञ्झट व्यहोर्नु नपरोस् भन्दै जिल्ला प्रहरी कार्यालय नवलपरासी पश्चिमले भोजपुरी भाषामा नागरीक वडापत्र राखेको छ । विगत देखिनै देशमा सुशासन, व्यवस्थापन तथा संचालन ऐन २०६४ को सार्वजनिक सेवा प्रदान गर्ने र जनसम्पर्क कायम राख्दै प्रत्येक सरकारी कार्यालयले नेपाली भाषामा नागरिक वडापत्र राखेर कार्यान्वयनमा ल्याइदै आइरहेको छ ।

प्रहरी कार्यालयमा आउने सेवा ग्राहिहरुले आफ्नो स्थानीय भाषा बढि प्रयोग गर्ने भएकोले आमनागरिकको सहजताकालागि भोजपुरी नागरिक वडापत्र राखिएको सूचना अधिकारी एवं प्रहरी नायव उपरिक्षक रेशम बोहोराले जानकारी दिनुभयो । भाषा सगैँ प्रकृयाको जानकारीका अभावमा तेस्रो पक्षको सहारा खोज्ने प्रवृत्तिलाई अन्त्य गरी नागरिक मैत्री सेवा प्रवाहमा अभिवृद्धि गर्ने लक्ष्य सहित सेवाग्राहीहरुको सहजता र सुविधाको लागि २ जना नागरिक सहजकर्ता समेत परिचालन गरिएको सूचना अधिकारी बोहोराले जानकारी दिनु भयो ।

प्रमुख प्रहरी उपरीक्षक काजीकुमार आचार्य, पुर्व प्रहरी संगठन नवलपरासीका अध्यक्ष ओम प्रकाश चौधरी, सेवाग्राहिहरु तथा प्रहरी कर्मचारीहरु समेतको उपस्थितीमा नागरिक वडापत्रको व्यवस्था गरिएको हाे । भोजपुरी नागरीक वडापत्रले प्रहरी कार्यालयबाट प्राप्त हुने सेवा, लाग्ने समय, सम्बन्धित शाखा, जिम्मेवार अधिकारी तथा गुनासो सुन्ने अधिकारका विषयमा बिस्तृत जानकारी आम नागरिकले सहज रुपबाट प्राप्त गर्नसक्ने छन् ।

प्रकाशित मिति: आइतबार, चैत १८, २०८० ११:१३

प्रतिक्रिया दिनुहोस्