राज्यको करोडौं लागतमा बनेका तर सञ्चालन नभएका दुई बस पार्क

खास खबर

Home
खास खबर
राज्यको करोडौं लागतमा बनेका तर सञ्चालन नभएका दुई बस पार्क

राज्यको करोडौं लागतमा बनेका तर सञ्चालन नभएका दुई बस पार्क

परासी । नवलपरासीको रामग्राम नगरपालिका वडा नं. ४ केरवानी र पाल्हीनन्दन गाउँपालिका १ रमपुरवामा राज्यको करोडौ लागतमा बनेका २ बस पार्क निर्माण सम्पन्न भएपनि प्रयोग बिहिन अवस्थामा छन् ।

रामग्राम नगरपालिकाले गएको बर्ष नै निर्माण सम्पन्न गरेको बसपार्क सञ्चालन गर्न सकिको छैन । नगरपालिकाले करोडौ बजेट खर्च गरेर बनाएको बसपार्क सञ्चालनमा उदासिनता देखाउँदा प्रयोग बिहिन जस्तै भएको छ । झण्डै ३ करोड ३५ लाखमा निर्माण भएको बसपार्क अलपत्र अवस्थामा छ । समिर कस्ट्रक्सले बसपार्क निर्माण सम्पन्न गरी नगरपालिकाबाट अनुगमन समेत गराई सकेको भएपनि पूर्वाधार कार्यालय चितवनले हस्तान्तरण नगरेको रामग्राम नगरपालिकाका नगरप्रमुख धनपत यादवले बताउनु भयो । उता भवन तथा सहरी विकास कार्यालय चितवनले भने काम सम्पन्न भएपनि हस्तान्तरणको काम वाँकी नै रहेको कार्यालयका डि.इ. झपटबहादुर थापाले जानकारी दिनुभयो

Diraj Treders

सम्बन्धित कार्यालयले काम सम्पन्न भएपनि हस्तान्तरणको काम समयमै नगर्नु र सम्बन्धित पालिकाहरु पनि बनेका संरचना प्रतिको उदाशिनता र प्रयोग नथाल्नुले करोडौंको लागतमा बनेका बसपार्क अलपत्र बनेका हुन् ।

बसपार्क प्रयोगमा ल्याउन नगरपालिकाले सामान्य प्रयास गरेको भएपनि व्यवसायीहरुले भने बसपार्क अपाई ठाउँमा बनेकाले प्रयोगमा आउन नसकेको बताएकाछन् । नगरपालिकाले बेलाबेला पत्राचार गरी बसपार्क संचालनकालागि व्यवसायीहरुलाई अनुरोध गर्ने गरेको छ ।

यस्तै पाल्हीनन्दन १ को रमपुरवा चोककै उत्तर तर्फ रहेको डा. पृथ्वीराज कण्डेल बसपार्क बनेको लामो समय भइसक्दा पनि सञ्चालनमा आएको छैन । नेपाली कांगेसका केन्द्रीय सदस्य एवं पूर्वगृहराज्यमन्त्री देवेन्द्रराज कण्डेलको पहलकदमीमा सहरी विकास मन्त्रालयबाट करिव १ करोड, पाल्हीनन्दन गाउँपालिकाको १० लाख र वडा न.१ को ३ लाखको लागतमा आकर्षक बसपार्क निर्माण सम्पन्न भएको छ तर सञ्चालनमा भने छैन ।

राज्यको करोडौको लागतमा बनेका यी दुई बसपार्क निर्माण सम्पन्न भएपनि स्थानीय सरकारले सञ्चालनमा उदासिनता देखाउँदा प्रयोग बिहिन बनेका छन् ।

galaxy parasi