राेटरी क्लव नवलपरासीले आगामी बर्ष वातावरण र युवाकाे क्षेत्रमा काम गर्ने

पर्यावरण

Home
पर्यावरण
राेटरी क्लव नवलपरासीले आगामी बर्ष वातावरण र युवाकाे क्षेत्रमा काम गर्ने

राेटरी क्लव नवलपरासीले आगामी बर्ष वातावरण र युवाकाे क्षेत्रमा काम गर्ने

पाल्पा । रोटरी क्लव अफ नवलपरासीले बर्ष २०२४/२०२५मा वातावरण र युवाको क्षेत्रलाई लक्षित गरी काम गर्ने जनाएकाे छ । सम्पन्न संयुक्त क्लव स्तरीय साधारण सभामा उक्त कुरालाई जाेड दिने बताएको हाे । आज क्लवका अध्यक्ष विरेन्द्र अग्रहरीको अध्यक्षता र संस्थापक अध्यक्ष सुमन गोपाल आचार्यको प्रमुख आतिथ्यमा साधारण सभा गरिएको हो ।

साधारण सभामा बर्ष २०२३।०२४ मा भएगरेका कामको समिक्षा, आम्दानी खर्चको लेखापरिक्षण प्रतिवेदन र पाँचवटा मूल समितिको प्रगति विवरण प्रस्तुत गरिएको थियो । प्रस्तुत भएका सवै प्रतिवेदन साधारण सभाले पास गरेको छ ।

यस्तै बर्ष २०२४।०२५ का अध्यक्ष सुनिल कसौधनले आफ्नो कार्यकालको कार्ययोजना प्रस्तुत गर्नु भएको छ । उहाँले बर्षभरी रोटरीका सातवटा कार्यक्षेत्रमा काम गर्ने योजना प्रस्तुत गर्नु भएको थियो । अध्यक्ष कसौधनले आफ्नो कार्यकालमा वातावरण र युवाहरुको क्षेत्रमा काम गर्ने प्रतिवद्धता व्यक्त गर्नु भयो ।

रोटरीले आफ्नो क्लव स्तरीय संयुक्त साधारण सभा पाल्पामा गरेको क्लवका नोमिनी अध्यक्ष उर्मिला वानीयाले जानकारी दिनु भयो ।