गिद्ध संरक्षणमा नवलपरासी जिल्लाका सरोकारवालहरुको चासो

पर्यावरण

Home
पर्यावरण
गिद्ध संरक्षणमा नवलपरासी जिल्लाका सरोकारवालहरुको चासो

गिद्ध संरक्षणमा नवलपरासी जिल्लाका सरोकारवालहरुको चासो

परासी । नवलपरासीमा गिद्धसंरक्षण तथा व्यवस्थापन कार्ययोजना निर्माण सम्बन्धी कार्यशाला आज परासीमा सम्पन्न भएको छ । डिभिजन वन कार्यालयमा भएको कार्यशालामा जिल्लाका विभिन्न सरोकारवाला निकायका प्रतिनिधिहरुको उपस्थितिमा गिद्ध संरक्षणमा गम्भीर चासो दिइएको हो ।

डिभिजन वन कार्यालय नवलपरासीका प्रमुख महेन्द्रराज वाग्लेको अध्यक्षता र जिल्ला समन्वय समितिका प्रमुख भगौती यादव रुदलको प्रमुख आतिथ्यमा कार्यशाला गरिएको हो । सो अवसरमा बोल्दै समन्वय प्रमुख यादवले गिद्ध संरक्षणको लागि सरोकारवालाहरुबीच अन्तर समन्वय आवश्यक रहेको बताउनु भयो । उहाँले अव वन्ने कार्ययोजनामा वहुसरोकारवालाहरुले दिएको महत्वपूर्ण सुझाव ग्रहण गर्नु पर्नेमा जोड दिनु भयो ।

कार्यक्रम नेपाल पन्छी संरक्षण संघको आयोजना र डिभिजन वन कार्यालयको सहयोगमा सञ्चालन गरिएको थियो । सो अवसरमा रामग्राम नगरपालिकाका नगर उपपमुख संझना चौधरी लगायतले कार्ययोजना बनाउन सुझाव दिनु भएको थियो ।

कार्यक्रमको सहजिकरण आयोजक संस्था नेपाल पन्छी संरक्षण संघ परियोजनाका अधिकृत भूपाल नेपालीले गर्नु भएको हो । अधिकृत नेपालीले “थुप्रै सुझाव सल्लाहहरु प्राप्त भएको छन्, सबैजनाले दिएको सुझावलाई समेटेर बार्षिक कार्ययोजना वनाउछौं, भन्नु भएको छ ।

Ban office