रामग्राम १७ मा साताव्यापी सरसफाई कार्यक्रमको समापन, नगरप्रमुख यादवलाई सम्मान

पर्यावरण

Home
पर्यावरण
रामग्राम १७ मा साताव्यापी सरसफाई कार्यक्रमको समापन, नगरप्रमुख यादवलाई सम्मान

रामग्राम १७ मा साताव्यापी सरसफाई कार्यक्रमको समापन, नगरप्रमुख यादवलाई सम्मान

परासी । रामग्राम नगरपालिका वडा नम्बर १७ मा सप्ताहव्यापी सरसफाई अभियान शुक्रबार एक विशेष कार्यक्रमको आयोजना गरी समापन गरिएको छ । नेपाल रेडक्रस सोसाइटी देवगाउँ उपशाखाको आयोजना र वडा नम्बर १७ को सहयोगमा सप्ताहव्यापी सरसफाई कार्यक्रम गरिएको हो।

नेपाल रेडक्रस सोसाइटी देवगाँव उपशाखाका अध्यक्ष रामउग्रह यादवको अध्यक्षता र नगर प्रमुख धनपत यादवको प्रमुख आतिथ्यमा कार्यक्रम गरिएको हो । कार्यक्रममा नगर प्रमुख यादवले समुदायको साथ र सहयोगमा जस्तो सुकै असजिला कामहरु पनि सहज ढंगले सफल बनाउन सकिने बताउनुभयो ।

सो–अवसरमा नगर प्रमुख यादवलाई सरसफाई अभियानमा सहयोग गरेबापत समुदायले सम्मान गरेको छ । विगत ८ वर्षदेखि रामग्राम १७ देवगाउँ पिप्रहियामा सडकको अवरोध हटाउन सहयोग गरेबापत समुदायले नै नगरप्रमुखलाई सम्मान गरेको हो ।

रामग्राम नगरपालिकाले अहिले विभिन्न वडामा सडकको मापदण्डभित्र बनेका संरचना हटाउने अभियान नै सञ्चालन गरिरहेका बेला स्थानीय ओमप्रकाश साहनीले सडकमा परेको घर आफै भत्काएर सहयोग गरेबापत नगर प्रमुख यादवले पाँच हजार र नेपाल रेडक्रस सोसाइटीले एक थान त्रिपाल सहयोग गरेका छन् । सोही अवसरमा वडा नम्बर १७ का अध्यक्ष कन्है प्रसाद कोइरी , स्थानीय फुलराज केवट र अन्य अभियानकर्मीहरूलाई पनि सम्मान गरिएको छ।

साताव्यापी सञ्चालन भएको सरसफाई अभियानमा पटखौलीदेखि पिपरहियासम्मका ११ वटा टोलमा व्यापक सरसफाई अभियान सञ्चालन गरिएको स्थानीय समाजसेवी हैदर अलि मोमिनले नेपालीचेली अनलाइनलाई जानकारी दिनुभयो ।

प्रकाशित मिति: शनिबार, वैशाख १२, २०८३ ०९:०६

प्रतिक्रिया दिनुहोस्