बाक्लो हुसु र कुहिरोले जनजीवन प्रभावित, आवश्यक सतर्कता अपनाउन मौसम पूर्वानुमान महाशाखाको आग्रह

खास खबर

Home
खास खबर
बाक्लो हुसु र कुहिरोले जनजीवन प्रभावित, आवश्यक सतर्कता अपनाउन मौसम पूर्वानुमान महाशाखाको आग्रह

बाक्लो हुसु र कुहिरोले जनजीवन प्रभावित, आवश्यक सतर्कता अपनाउन मौसम पूर्वानुमान महाशाखाको आग्रह

परासी । नवलपरासी सहित देशका तराई तथा अन्य स्थानमा हुस्सु र कुहिरो लागेकाले जनजीवन प्रभावित भएको छ।

शनिबार बिहानै देखि हुस्सु र कुहिरोको कारण यातायात सञ्चालनमा कठिनाइ, हवाई उडानमा असर र कृषि तथा स्वास्थ्य क्षेत्रमा पनि असर पर्न सक्ने भएकोले आवश्यक सतर्कता अपनाउन मौसम पूर्वानुमान महाशाखाले आग्रह गरेको छ।

चिसो कुहिरो र हुस्सुले विशेषगरी ज्येष्ठ नागरिक, महिला र बालबालिकालाई बढी असर गर्न सक्ने भएकाले उनीहरूको विशेष निगरानी गर्न आग्रह गरिएको छ।

माघ महिना सुरु भएदेखि नै नवलपरासी सहित तराईका विभिन्न जिल्लामा चिसो बढेको छ। जिल्लाका स्थानीय सरकारहरूले चिसो छल्न कम्मल र न्यानो कपडा वितरणदेखि सडकका चोक चोकमा दाउरा र मुढा झारेर आगो ताप्ने प्रपञ्च मिलाएका छन्।

प्रकाशित मिति: शनिबार, माघ ५, २०८१ ०७:५९

प्रतिक्रिया दिनुहोस्