रामग्राम भित्रका पर्यटकीय क्षेत्रको प्रवर्धन गर्ने उद्देश्यले सरोकारवालाहरु बीच छलफल

पर्यटन

Home
पर्यटन
रामग्राम भित्रका पर्यटकीय क्षेत्रको प्रवर्धन गर्ने उद्देश्यले सरोकारवालाहरु बीच छलफल

रामग्राम भित्रका पर्यटकीय क्षेत्रको प्रवर्धन गर्ने उद्देश्यले सरोकारवालाहरु बीच छलफल

रामग्राम नगरपालिका भित्रका बुद्धस्थलहरूको प्रवर्द्धन र रोजगारी सिर्जनाका लागि मङ्गलबार सरोकारवालाहरूका बीच छलफल गरिएको छ । विश्व विकास बैंक र सहरी विकास मन्त्रालयले रामग्राम स्तुप र पण्डितपुरलाई लक्षित गरी पर्यटक भित्र्याउने र बढी समय व्यतीत गराउने योजना अनुसार छलफल गरिएको हो।

रामग्राम नगरपालिकाका नगर प्रमुख धनपत यादवको अध्यक्षतामा भएको छलफलमा विभिन्न सरोकारवाला व्यक्तिहरूले रामग्रामको समग्र विकासको गुरुयोजना अनुसार कामको थालनी गर्न आग्रह गरेका छन् ।

छलफलका क्रममा नगर प्रमुख यादवले रामग्राम स्तुप र पण्डितपुरको विकासमा ध्यान केन्द्रित गरिरहेको बताउनुभयो। उहाँले रामग्रामकै विकासका लागि रामग्राम विकास कोषको स्थापना गरिएकोमा जोड दिनुभयो ।

कार्यक्रममा नगर प्रमुख यादवले रामग्राम भित्रका सडक संरचना निर्माण, रामग्राममा ध्यानकेन्द्र निर्माण, रामग्राम १४ हडैया पोखरीमा स्थापनाको तयारीमा रहेको होमस्टे सञ्चालन लगायतका विषय रामग्राममा पर्यटक भित्र्याउने महत्त्वपूर्ण कडी हुने विश्वास व्यक्त गर्नुभयो।

कार्यक्रममा विश्व बैंकका सामाजिक विकास विज्ञ जय शर्मा, पाल्ही बहुमुखी क्याम्पसका पूर्व क्याम्पस प्रमुख कैलाश ठाकुर, नेपाल परिवार नियोजन सङ्घका अध्यक्ष अविनाश रेग्मी, तुलसीराम भट्टराई, स्थानीय व्यवसायी राजेश गुप्त लगायतले बोल्नुभएको रामग्राम नगरपालिकाका सामाजिक परिचालक नगेन्द्र यादवले नेपाली चेली अनलाइनलाई जानकारी दिनुभयो ।