बुद्धजयन्तीमा बुद्धसँग जोडिएका पवित्र स्थानमा विविध कार्यक्रम गरिँदै, रामग्राममा साईकल र्याली र दोश्रो फूड फेस्टिवल गरिँदै

पर्यटन

Home
पर्यटन
बुद्धजयन्तीमा बुद्धसँग जोडिएका पवित्र स्थानमा विविध कार्यक्रम गरिँदै, रामग्राममा साईकल र्याली र दोश्रो फूड फेस्टिवल गरिँदै

बुद्धजयन्तीमा बुद्धसँग जोडिएका पवित्र स्थानमा विविध कार्यक्रम गरिँदै, रामग्राममा साईकल र्याली र दोश्रो फूड फेस्टिवल गरिँदै

नेपाली चेली बुधबार, वैशाख १६, २०८३

परासी । २५७० औं बुद्ध जयन्तीको अवसरमा नवलपरासीका बुद्धसँग जोडिका पवित्र स्थानहरुमा विभिन्न कार्यक्रमको आयोजना गरी बुद्ध जयन्ती मनाउन लागिएको छ ।

रामग्राम ७ उजैनी, रामग्राम १४ पण्डितपुर, सरावल गाउँपालिका वडा नं. २ ककरपत्तनगरमा बुद्ध जयन्तीको अवसरमा विभिन्न रचनात्मक कार्यक्रम गरी मनाउन लागिएको हो ।

रामग्राम नगरपालिकाले बैशाख १८ गते बुद्ध जयन्तीको अवसर पारेर रामग्राम १४ पण्डितपुरदेखि रामग्राम ७ उजैनी रामग्राम स्तुपासम्म १००० जनाको साइकल र्याली गर्ने जनाएको छ । सोही दिन रामग्राम ५ घण्टाघर चोकमा दोश्रो सडक खाना महोत्सव पनि हुँदैछ । रामग्राम नगरपालिकाका नगरप्रमुख धनपत यादवले बुद्धजयन्तीको अवसरमा बृहत साईकल र्याली र दोश्रो फूड फेस्टिवल गर्न लागेको नेपालीचेली अनलाईनलाई जानकारी दिनुभयो । उहाँले नगरवासी दाजुभाई तथा दिदीवहिनीहरुलाई सो अवसरमा उत्साहजनक सहभागीताकालागि पनि अनुरोध गर्नुभएको छ ।

यस्तै भगवान गौतम बुद्धको मावली कोलिय गणराज्यको राजधानी रामग्राम १८ पण्डितपुरमा बुद्धजयन्तीको अवसरमा विविध साँस्कृति कार्यक्रम, भलिवल प्रतियोगिता, थारुहरुको झम्टा नृत्य लगायतका कार्यक्रम गरिने रामग्राम १८ स्थित बुद्ध जयन्ती भेला समितिका अध्यक्ष केशव चौधरीले जानकारी दिनुभयो ।

यसैबीच सरावल गाउँपालिका वडा नं. २ ककरपत्त नगरमा पनि बुद्ध जयन्तीको अवसरमा सरावल गाउँपालिका स्तरीय भलिवल प्रतियोगिता, थारु साँस्कृति नृत्य लगायतका विविध कार्य गरिने बताइएको छ । प्रत्येक बर्ष जस्तै २५७० औं बुद्ध जयन्तीका अवसरमा भव्य मेलाका आयोजना गरिएको कोलबृक्ष पर्यटन विकास संस्थाका अध्यक्ष नरेन्द्रप्रसाद चौधरीले जानकारी दिनुभयो ।

प्रकाशित मिति: बुधबार, वैशाख १६, २०८३ १९:३६

प्रतिक्रिया दिनुहोस्