नेपालबाट उच्च दक्ष कामदार विदेशिने क्रम ४८.८ प्रतिशतले बढ्यो

अर्थ - वाणिज्य

Home
अर्थ - वाणिज्य
नेपालबाट उच्च दक्ष कामदार विदेशिने क्रम ४८.८ प्रतिशतले बढ्यो

नेपालबाट उच्च दक्ष कामदार विदेशिने क्रम ४८.८ प्रतिशतले बढ्यो

फाइल फोटो

काठमाडौँ । नेपालबाट उच्च दक्ष कामदार विदेशिने क्रम ४८ दशमलव ८ प्रतिशतले बढेको छ। वैदेशिक रोजगार विभागका अनुसार चालु आर्थिक वर्षको पहिलो चार महिना साउनदेखि कार्तिकसम्म ४ सय ६९ जना उच्च दक्ष कामदार विदेशिएका छन् ।

अघिल्लो वर्ष भने यही अवधिमा जम्मा ३१५ जना विदेशिएको वैदेशिक रोजगार विभागको तथ्याङ्क छ।
तर व्यावसायिक दक्ष कामदार विदेशिने क्रम भने अलि घटेको विभागले जनाएको छ। गतवर्ष साउनदेखि कार्तिकसम्म १ हजार ३८९ जना व्यावसायिक रूपमा दक्ष कामदार रोजगारीका लागि विदेश गएकोमा यस वर्ष १२३३ जना मात्र विदेशिएका छन् जुन १० दशमलव ८ प्रतिशतले कमी हो।

यसैबीच रोजगारीका लागि कोरिया जान रोस्टरमा बसेका करिब १७ हजार श्रमिकको रोस्टर अवधि अबको ६ महिनामा सकिँदैछ। इपिएस कोरिया शाखा शाखा नेपालका अनुसार भाषा र प्रयोगात्मक परीक्षा पास गरी रोजगारीका लागि रोस्टरमा बसेकाको दुई वर्षपछि रोस्टर अवधि सकिने व्यवस्था छ।

नेपालमा उच्च दक्ष कामदारले रोजगारी नपाएका कारण विदेशिने क्रम बढेको पौरखी नेपालका संस्थापक मञ्जु गुरुङले बताउनुभएको छ। (सि आई एन)

प्रकाशित मिति: मंगलबार, मंसिर १६, २०८२ ०६:०९

प्रतिक्रिया दिनुहोस्