पाल्हीनन्दनमा दाइजो रहित वैवाहिक जीवन विताएका ६ जोडि सम्मानित

खास खबर

Home
खास खबर
पाल्हीनन्दनमा दाइजो रहित वैवाहिक जीवन विताएका ६ जोडि सम्मानित

पाल्हीनन्दनमा दाइजो रहित वैवाहिक जीवन विताएका ६ जोडि सम्मानित

२३ मंसिर, परासी ।।
पश्चिम नवलपरासीको पाल्हीनन्दन गाउँपालिकामा शुक्रवार ६ विवाहित जोडिलाई सम्मान गरिएको छ । दाइजो रहित विवाह गरेका ६ जोडिलाई एक कार्यक्रमका वीच सम्मान गरिएको हो । संस्कृति र परंपरा जोगाउने नाममा गरिने अनावश्यक तडकभडक र खर्चलाई सामाजिक काममा लगाउने उद्घोषका साथ वैवाहिक जीवनमा बाँधिएका जोडिलाई सम्मान गरिएको वताइएको छ ।

सुनवल सामाजिक विकास केन्द्रको आयोजनामा सो कार्यक्रम गरिएको हो । पाल्हीनन्दन गाउँपालिका वडा नं. ५ का अध्यक्ष दयाशंकर त्रिपाठीको अध्यक्षता तथा गाउँपालिकाका अध्यक्ष बैजु प्रसाद गुप्ता (दिपक)को प्रमुख आतिथ्यमा वैवाहिक जोडिलाई सम्मान गरिएको हो । सो कार्यक्रममा अध्यक्ष गुप्ताले लैङ्गिक हिंसा विरुद्धको १६ दिने अभियान चलिहरेका बेला दाइजो प्रथाको अन्त्य गर्ने उद्घोषकासाथ गरिएको कार्यक्रमको प्रसंसा गर्नु भएको छ ।

कार्यक्रममा सम्मानीत हुने पंकज गिरी र वहाँकी जीवन संगिनी मनिषा गिरीले आफूहरु सधै कुप्रथाको विरुद्धमा रहेको वताउनु भएको छ । दाइजो प्रथा समाजको कलंक भएको सम्मानीत हुने जोडिहरुले वताएका छन् । कार्यक्रममा पंकज गिरी र मनिषा गिरी, प्रमोद हरिजन र अनिशा हरिजन, अशोक हरिजन र बविता हरिजन, शैलेश कुमार कोइरी र निर्जली कुमारी कोइरी, सलाउद्दीन मन्सुरी र नाजमा खातुन तथा असिउद्दीन अन्सारी र वहाँकी धर्मपत्नी अम्जाहान खातुनलाई सम्मान गरिएको हो ।

कार्यक्रममा पाल्हीनन्दन गाउँपालिकाकी कार्यपालिका सदस्य अनिता साहानी, लालिगुराँस अगुवा समूहका जेन्डर चेम्पियन रामलखन मौर्य, सुनवल सामुदायिक विकास केन्द्रका सामाजिक परिचालक अशोक गुप्ता लगायतले दाइजो रहित विवाह गरेका जोडिलाई सफल वैवाहिक जीवनको शुभकामना व्यक्त गरेका थिए । कार्यक्रम गाउँपालिका वडा नं. ६ लंगडीपाकडदेखि शुरु भएको सचेतना र्याली वडा नं. ५ विसुनपुरा भन्सार चोकमा पुगेर औपचारिक कार्यक्रममा परिणत भएको थियो ।

प्रकाशित मिति: शुक्रबार, मंसिर २३, २०७९ २०:२४

प्रतिक्रिया दिनुहोस्