नवलपरासीको पाल्हीनन्दनमा संचालित परियोजनाहरु प्रभावकारी बन्दै

स्थानीय समाचार

Home
स्थानीय समाचार
नवलपरासीको पाल्हीनन्दनमा संचालित परियोजनाहरु प्रभावकारी बन्दै

नवलपरासीको पाल्हीनन्दनमा संचालित परियोजनाहरु प्रभावकारी बन्दै

पाल्हीनन्दनमा संचालित विभिन्न परियोजनाहरु प्रभावकारी बन्दै गइरहेको वहुसरोकारवाला फोरमका अगुवाहरुले बताएका छन् । सुनवल सामुदायिक विकास केन्द्रको अगुवाईमा पाल्हीनन्दनमा संचालित विभिन्न कार्यक्रमहरुको सोमबार अनुगमन गरिएको छ । पाल्हीनन्दन गाउँपालिकामा गठन गरिएको बहुसरोकारवाला फोरमको बार्षिक कार्ययोजना अनुसार कार्यक्रमको अनुगमन गरिएको बताइएको हो ।

केन्द्रबाट संचालित वि.पि.आइ परियोजना, असल छिमेकी परियोजना र लैङ्गिक समानता परियोजनाको अनुगमन गरिएको हो । पाल्हीनन्दन गाउँपालिका वडा नं. १ को सगरमाथा महिला समूह, मिलिजुली महिला समूह छोट्की सुनरी र वडा नं. ५ गेर्मीको माँ विष्णु अभिभावक समूहको परियोजनागत गतिविधिहरुको अनुगमन गरिएको हो । गाउँपालिकाकी उपाध्यक्ष फातिमा खातुन अन्सारीको अगुवाईमा भए गरेका काम र परियोजनाले समूदायमा पारेको प्रभावको बारेमा अनुगमन गरिएको लैङ्गिक समानता परियोजनाकी परियोजना संयोजक ज्योती सिंह रायले जानकारी दिनु भयो ।

केन्द्रद्धारा संचालित परियोजनाले महिला तथा बालबालिका, किशोर किशोरी, आमासमूह, अपाङ्गता भएका व्यक्ति, अभिभावक तथा विभिन्न धार्मिक समूदायका अगुवाहरुको समूह नै बनाएर समूदाय परिचानको कार्य गरिरहेको छ । परियोजनाले विगत ५ बर्षदेखि कार्यगरिहेकोले समूदायमा आत्मनिर्भरताको विकास, उद्यमीशिलताको विकास र नेतृत्व विकास क्रमिक रुपमा भइरहेको गाउँपालिकाकी उपाध्यक्ष अन्सारीले बताउनु भयो ।