अपाङ्गता समावेशीकरण सम्बन्धी जिल्ला स्तरीय छलफल कार्यक्रम परासीमा सम्पन्न

स्थानीय समाचार

Home
स्थानीय समाचार
अपाङ्गता समावेशीकरण सम्बन्धी जिल्ला स्तरीय छलफल कार्यक्रम परासीमा सम्पन्न

अपाङ्गता समावेशीकरण सम्बन्धी जिल्ला स्तरीय छलफल कार्यक्रम परासीमा सम्पन्न

सुनवल सामुदायिक विकास केन्द्रले बिहिबार अपाङ्गता समावेशीकरण सम्बन्धी जिल्ला स्तरीय छलफल कार्यक्रम परासीमा सम्पन्न गरेको छ । आगामी ६ बर्षको लागि जिल्लाका पाल्हीनन्दन र प्रतापुर गाउँपालिकालाई कार्यक्षेत्र वनाएर परियोजना संचालन हुने संस्थाले जनाएको हो ।
सुनवल सामुदायिक विकास केन्द्रका सचिव जयराम वश्यालको अध्यक्षता तथा जिल्ला समन्वय समितिका प्रमुख भगौती यादव(रुदल)को प्रमुख आतिथ्यमा एक दिने छलफल कार्यक्रम सम्पन्न भएको छ ।
परियोजना लक्षित पालिका, जिल्ला स्थित विभिन्न कार्यालय र अन्य सरोकारवाला निकाय वीच अपांङ्गता समावेशीता तथा अपाङ्गता अधिकारका विषयमा समान बुझाई होस भन्ने उद्देश्यले कार्यक्रम आयोजना गरिएको परियोजनाका संयोजक श्यामसुन्दर ढुँगानाले जानकारी दिनु भयो ।
कार्यक्रममा युनाइटेड मिसन टु नेपालका परियोजना संयोजक अन्जना श्रेष्ठ, यु एम एनका परियोजना सल्लाहाकार विर नेपाली, सुनवल सामुदायिक विकास केन्द्रका राधा सापकोटा लगायतले कार्यक्रमको सहजिकरण गर्नु भएको थियो । परियोजनाले आगामी ६ बर्ष दुवै पालिकामा अपाङ्गता समावेशीता र अपाङ्गता अधिकारको पैरवी गर्ने, पालिका भित्रका विभिन्न क्षेत्रमा अपाङ्गता सहभागीलाई जोडदिने कार्यक्रम रहेको संस्थाले जनाएको छ । यस्तै सो अवधिमा पालिका भित्रका भौतिक निर्माणलाई अपाङ्गमैत्री वनाउन सहयोग गर्ने, अपाङ्गता भएका व्यक्तिहरुको क्षमता विकास, सचेतना बृद्धि र सहभागीतालाई प्राथमिकता दिइने बताइएको छ ।
कार्यक्रममा पाल्हीनन्दन गाउँपालिका अध्यक्ष बैजु प्रसाद गुप्ता(दिपक), प्रतापुर गाउँपालिकाका अध्यक्ष उमेशचन्द्र यादव, प्रमुख जिल्ला अधिकारी श्रवणकुमार पोख्रेल लगायतले परियोजनाले दुवैपालिकामा गर्न लागेको कार्यक्रमबारे शुभकामना व्यक्त गर्नु भएको थियो । कार्यक्रममा पाल्हीनन्दन गाउँपालिकाका उपाध्यक्ष फातिमा अन्सारी, प्रतापपुर गाउँपालिकाका उपाध्यक्ष मानकुमारी चौधरी, प्रमुख प्रशासकीय अधिकृतहरु अन्य सरोकारवाला व्यक्तिहरुको सहभागीता रहेको संस्थाले जनाएको छ ।
कार्यक्रममा पाल्हीनन्दन र प्रतापपुर गाउँपालिकाका महिला तथा बालबालिका शाखा प्रमुख सुमन गुप्ता र संजिता रौनियारले पालिका भित्रको अपाङ्गताको विषयमा प्रकाश पार्नु भएको थियो ।

प्रकाशित मिति: बिहीबार, पुस २१, २०७९ १४:५५

प्रतिक्रिया दिनुहोस्