पूर्व राष्ट्रपति डा. यादवद्वारा प्रतापपुरमा वि.पी कोईरालाको शालिक अनावरण

स्थानीय समाचार

Home
स्थानीय समाचार
पूर्व राष्ट्रपति डा. यादवद्वारा प्रतापपुरमा वि.पी कोईरालाको शालिक अनावरण

पूर्व राष्ट्रपति डा. यादवद्वारा प्रतापपुरमा वि.पी कोईरालाको शालिक अनावरण

पूर्व राष्ट्रपति डा.रामवरण यादवले पश्चिम नवलपरासीको प्रतापपुर गाउँपालिका वडा न.७ सुर्यपुरामा सोमबार ११० औं वि.पि जयन्तीको अवसरमा आयोजित जननायक वि.पी कोईरालाको शालिक अनावरण गर्नु भएको छ । सो अवसरमा बोल्दै पूर्व राष्ट्रपति यादवले देशमा राजनीतिक परिर्वतन भएको अब आर्थिक परिवर्तन हुन जरुरी रहेको बताउनु भयो । उहाँले संविधानको बारेमा अध्ययन नगर्दा जनताले आफ्नो अधिकार समेटन नसकेको बताउदै संविधानले सबैका अधिकार समेटिएको यसको गहिरो अध्ययन गर्न जरुरी रहेको बताउनु भयो । देश विकासकालागि सबै राजनीतिक दलहरु एकजुट भएर लाग्नु पर्ने उहाँले सुझाव दिनु भयो । उहाँले नेपाल कृषि प्रधान देश रहेको आधुनिकरण विकासका लागि कृषि क्षेत्रमा विषेश पहल गर्नु पर्न बताउनु भयो ।

प्रतापपुर गाउँपालिकाका अध्यक्ष उमेशचन्द्र यादवको अध्यक्षमा भएको कार्यक्रममा पूर्व मन्त्री एव नेपाली काङ्ग्रेस लुम्बिनी प्रदेशका सभापति अमर सिह पुन संविधानसभा सदस्य एव नेपाली काङ्ग्रेस लुम्बिनी प्रदेशका महामन्त्री बिक्रम खनाल, जसपाका केन्द्रीय सदस्य रामबच्चन यादव, नेकपा माओवादीका केन्द्रीय सदस्य एव पुर्व स्थानीय बिकास राज्य मन्त्री घनश्याम यादव, लुम्बिनी प्रदेश सभा सदस्य बिश्वप्रेम पाठक जिल्ला समन्वय समिति नवलपरासीका प्रमुख भगौती प्रसाद यादव, नेपाली काङ्ग्रेस नवलपरासीका जिल्ला सभापति अर्जुन पोख्रेल, नेकपा एमालेका जिल्ला अध्यक्ष दिपेन्द्र अधिकारी, नेपाली काङ्ग्रेसका क्षेत्र नम्बर १ का क्षेत्रीय सभापति मुकुल आचार्य र प्रतापपुर गाउँपालिकाका उपाध्यक्ष मानकुमारी चौधरीले लगायतले बोल्नु भएको थियो ।

Diraj Treders