माघिको अवसरमा थारु कल्याणकारिणी सभा बर्दघाट नगर द्वारा रक्तदान कार्यक्रम

स्थानीय समाचार

Home
स्थानीय समाचार
माघिको अवसरमा थारु कल्याणकारिणी सभा बर्दघाट नगर द्वारा रक्तदान कार्यक्रम

माघिको अवसरमा थारु कल्याणकारिणी सभा बर्दघाट नगर द्वारा रक्तदान कार्यक्रम

थारु समुदायको महत्वपूर्ण पर्व माघिको अवसरमा रक्तदान कार्यक्रमको आयोजना गरिएको छ । चौपत्तामा रहेको थारु महिला भवनमा शुक्रबार आज थारु कल्याणकारिणी सभा बर्दघाट नगर द्वारा रक्तदान कार्यक्रम गरिएको हो ।

थारु समुदायको महत्वपूर्ण पर्व माघि संक्रान्ति (माघ, खिचडी ) को उपलक्ष्यमा एवम् थारु समुदायको नयाँ वर्ष थारु सम्वत २६४६को अवसर पारेर एक कार्यक्रमको बिच रक्तदान गरिएको छ । रक्तदानमा २१ जनाले रक्तदान गरेका थिए । भने प्राविधिक सहयोगको रुपमा रक्तदान कार्यक्रममा नेपाल रेडक्रस सोसाईटी जिल्ला शाखाले गरेको थियो।
थारु कल्याणकारिणि सभा बर्दघाट नगरपालिकाको नगर अध्यक्ष राजकुमार चौधरीको अध्यक्षतामा भएको सोहि अवसरमा शुभकामना आदानप्रदान कार्यक्रम पनि गरिएको छ । सो कार्यक्रम बर्दघाट नगरपालिका वडा १३ को वाडा अध्यक्ष नरबहादुर चौधरीको प्रमुख आतिथ्यतामा भएको हो । रक्तदान जिवन दान हो । बिरामीले सहज रुपमा रगत पाउने अवस्था नरहेकाले थोरै भए पनि राहत मिल्छ भन्दै निकै राम्रो कार्य नगरले गरेको प्रमुख अतिथी चौधरीले बताउनुभयो ।
कार्यक्रममा बर्दघाट नगरपालि वडा नं.१२ को वडा अध्यक्ष उमाशंकर चौधरी , आदिवासी जनजातिका बरिष्ठ उपाध्यक्ष गुलाब प्रसाद चौधरी , थाकस जिल्ला अध्यक्ष मुन्द्रिका प्रसाद चौधरी , थाकस जिल्ला सचिव कनहिया चौधरी , थाकस पुर्व जिल्ला सदस्य नन्दु थारु , थकस जिल्ला सदस्य मोहन चौधरी, थकस जिल्ला सदस्य गणेस चौधरी ,बर्दघाट वडा नं. ३ का वडा सदस्य सुनिल चौधरी ,बर्दघाट वडा नं. १२ का वडा सदस्य देवकुमारी चौधरी ,बर्दघाट वाड नं. ११ का वडा सदस्य चन्द्रकला पंजियार लगाएतले शुभकामना मन्तव्य राख्नुभएको थियो ।

Open photo