कोशी प्रदेशमा मध्यावधिको संकट टर्यो, मुख्यमन्त्रि कार्कीलाई विश्वासको मत प्राप्त

राजनीति

Home
राजनीति
कोशी प्रदेशमा मध्यावधिको संकट टर्यो, मुख्यमन्त्रि कार्कीलाई विश्वासको मत प्राप्त

कोशी प्रदेशमा मध्यावधिको संकट टर्यो, मुख्यमन्त्रि कार्कीलाई विश्वासको मत प्राप्त

galaxy parasi

कोशी प्रदेशका मुख्यमन्त्री केदार कार्कीले विश्वासको मत पाउनुभएको छ । ९३ सदस्यीय प्रदेशसभाबाट कार्कीको पक्षमा ८६ जना प्रदेशसभा सदस्यले मतदान गरेका छन् । विपक्षमा राप्रपाका ५ जनाले साँसदले मत दिएका छन् ।

कार्कीलाई नेपाली कांग्रेस, नेकपा एमाले, एकीकृत समाजवादी र जनता समाजवादी पार्टीले मत दिएका छन् । राष्ट्रिय प्रजातन्त्र पार्टीले भने विपक्षमा मत दिएको हो ।

गएको शनिवार प्रदेश सरकार गठनको अन्तिम विकल्प संविधानको धारा १६८ को उपधारा ५ अनुसार मुख्यमन्त्री नियुक्त भएका कार्कीले तत्काल विश्वासको मत लिनुभएको हो । यस पटक कोशीमा सरकारले विश्वासको मत पाएसँगै प्रदेशसभा विघटन र मध्यावाधि निर्वाचन टरेको छ ।

नेपाली कांग्रेसले माओवादीका इन्द्र आङ्बोलाई मुख्यमन्त्री बनाउने निर्णय गरे पनि कांग्रेसकै शेखर कोइराला पक्षका केदार कार्कीले ८ जना सांसदसहित विद्रोह गरेर एमालेको समेत समर्थनमा मुख्यमन्त्रीमा दाबी पेस गर्नुभएको थियो । एमाले र शेखर कोइराला पक्षका सांसदको बहुमत पुग्ने भएपछि सत्ता गठबन्धनमा रहेका दलले पनि कार्कीलाई नै मत दिने निर्णय गरेका थिए । कार्कीले एमालेका एक जना र कांग्रेसका एक जनालाई मन्त्री नियुक्त गरिसक्नुभएको छ ।

Diraj Treders