रामग्राम नगरपालिकाले मापदण्ड बिपरीत रहेका भौतिक संरचनामाथि डोजर चलायो

स्थानीय समाचार

Home
स्थानीय समाचार
रामग्राम नगरपालिकाले मापदण्ड बिपरीत रहेका भौतिक संरचनामाथि डोजर चलायो

रामग्राम नगरपालिकाले मापदण्ड बिपरीत रहेका भौतिक संरचनामाथि जोडर चलायो रामग्राम नगरपालिकाले मापदण्ड बिपरीत रहेका भौतिक संरचनामाथि डोजर चलायो

डोल्मा चौधरी शुक्रबार, कात्तिक १७, २०८०

पश्चिम नवलपरासी । रामग्राम नगरपालिकाले वडा नं. ३ संगम टोलमा मापदण्ड बिपरीत रहेका घर संरचनालाइ डोजर प्रयोग गरी भत्काएको छ । आज शुक्रबार लोकतान्त्रिक चोकबाट पुर्व तिर जाने संगमटोलसम्मको सार्वजनिक बाटोका घर संरचनामा डोजर चलाइएको हो ।

नगरपालिकाले बैशाख महिनाको २६ गते मापदण्ड बिपरीत संरचना हटाउनकालागि निर्णय गरेको थियो । तर सुचना जारी गरेर सुचित गर्दा पनि स्थानीयले संरचना नहटाउदा नगरपालिका बाध्य भएर संरचना भत्काएको रामग्राम नगरपालिकाका नगर प्रमुख धनपत यादवले बताउनुभयो । उहाँले बाटो धेरै साधुरो भएकोले सरकारी कार्यालय तथा स्कुल क्षेत्र परेकाले आवतजावत गर्नेमा अवरोध पार्ने भएकोेले संरचनालाई फराकिलो बनाउनका लागि डोजर प्रयोग गरिएको बताउनुभयो । साथै असोज महिनाको अन्तिम मिति तोके बमोजिम अटेरी गरेपछि एक विद्यालय र दुई वटा घर संरचनालाई हटाइएको उहाँले बताउनुभयो ।

नगरपालिकाले निर्धारण गरेको सडक २५ फिट भित्र मापदण्ड मिचेर बनाइएका संरचनालाइ हटाइएको वडा न. ३ का वडा अध्यक्ष उज्वल न्यौपानेले बताउनुभयो । अध्यक्ष न्यौपानेले वडा भित्र मापदण्ड विपरित रहेका संरचना भत्काउँदै सडक चौडा गर्दै जाने जानकारी दिनु भयो ।

रामग्राम नगरपालिकाका प्रमुख प्रशासकिय अधिकृत मोहन अर्याल, स्थानिय जनप्रतिनिधि, सुरक्षाकर्मी पत्रकार, कर्मचारी, स्थानीय सर्वसाधारण लगायतको रोहबरमा संरचना भत्काइएको नगरपालिकाले जनाएको छ ।