सामुदायिक रेडियो परासीको साप्ताहिक कार्यक्रमको दोस्रो दिनः सरावलमा निःशुल्क बाल स्वास्थ्य शिविर

स्थानीय समाचार

Home
स्थानीय समाचार
सामुदायिक रेडियो परासीको साप्ताहिक कार्यक्रमको दोस्रो दिनः सरावलमा निःशुल्क बाल स्वास्थ्य शिविर

सामुदायिक रेडियो परासी ९०.२ मेगाहर्जको १६ओैं वार्षिकोत्सव सामुदायिक रेडियो परासीको साप्ताहिक कार्यक्रमको दोस्रो दिनः सरावलमा निःशुल्क बाल स्वास्थ्य शिविर

नेपाली चेली शनिबार, कात्तिक १८, २०८०

galaxy parasi

सामुदायिक रेडियो परासी ९०.२ मेगाहर्जको १६ओैं वार्षिकोत्सवको दोस्रो दिन आज शनिवार सरावल गाउँपालिकामा निःशुल्क बालबालिकाको स्वास्थ्य परिक्षण गरिएको छ । सो अवसरमा सरावल गाउँपालिकाका ७ वटै वडाका २ सय ३४ जना बालबालिकाको स्वास्थ्य परिक्षण भएको हो । सिद्धार्थ बाल तथा महिला अस्पताल (आम्दा अस्पताल) बुटवल र सरावल गाउँपालिकाको स्वास्थ्य शाखाको प्राविधिक सहयोगमा निःशुल्क बालबालिकाको स्वास्थ्य शिविर सम्पन्न भएको हो । कार्यक्रमलाई सरावल गाउँपालिका र बाल स्वास्थ्यकालागि साझेदारी नेपाल संस्थाले सहकार्य गरेका छन् ।

सामुदायिक रेडियो परासी ९०.२ मेगाहर्जका अध्यक्ष सुमन गोपाल आचार्यको अध्यक्षता र सरावल गाउँपालिकाका अध्यक्ष शुखाडी प्रसाद चौधरीको प्रमुख बालबालिकाको निःशुल्क स्वास्थ्य शिविर गरिएको हो ।

शिविरमा आम्दा बाल अस्पताल बुटवलका बाल रोग विशेषज्ञ डा. अरुण पोख्रेलले बालबालिकाको स्वास्थ्य परिक्षण गर्नु भएको थियो । डा. पोख्रेलले स्वास्थ्य परिक्षणका क्रममा बालबालिकामा कुपोषण, ध्यारध्यार, कम तौल, रुघाखोकी जस्ता समस्या देखा परेको बताउनु भयो । कार्यक्रममा सरावल गाउँपालिकाकी उपाध्यक्ष बासमति हरिजन, वडा नं ३ का वडा अध्यक्ष फिरङ्गी चौधरी, सामुदायिक रेडियो परासीका प्रवन्ध निर्देशक मेघराज गौतम लगायतले बोल्नु भएको सहसचिव तोरेन्द्र जि.सीले जानकारी दिनु भयो ।

यसैबीच रेडियो परासी ९०.२ मेगाहर्जले भाेली “समाज रुपान्तरणमा आम सञ्चार माध्यमको प्रभाव” विषयक जिल्ला स्तरीय माध्यमिक तहको बक्तित्वकला प्रतियोगिताको आयोजना गरेको साप्ताहिक कार्यक्रमका संयोजक एवं संस्थाका उपाध्यक्ष राजकुमार रेश्मीले जानकारी दिनु भयो ।