नेपाली काँग्रेस लुम्बिनी प्रदेशको प्रथम सम्मेलन १६ गतेदेखि बुटवलमा हुने

राजनीति

Home
राजनीति
नेपाली काँग्रेस लुम्बिनी प्रदेशको प्रथम सम्मेलन १६ गतेदेखि बुटवलमा हुने

नेपाली काँग्रेस लुम्बिनी प्रदेशको प्रथम सम्मेलन १६ गतेदेखि बुटवलमा हुने

फाइल फोटो

नेपाली काँग्रेस लुम्बिनी प्रदेशको बुटवलमा यही मंसिर १६ गतेदेखि प्रथम सम्मेलन हुने भएको छ । बुटवलको अन्तर्राष्ट्रिय सम्मेलन केन्द्रमा हुने २ दिने प्रदेश सम्मेलनको सम्पूर्ण तयारी अन्तिम चरणमा पुगेको पार्टीका लुम्बिनी प्रदेश सभापति अम्मर सिं पुनले जानकारी दिए ।

मंसिर १६ गते उद्घाटनसत्र तथा १७ गते बन्दसत्र आयोजना गर्ने कार्यतालिका रहेको सम्मेलनमा पार्टीभित्र ‘गुट’राजनीतिको धेरै प्रभाव रहेको हुँदा त्यसलाई कसरी समाधान गर्न सकिन्छ भन्ने विषयमा छलफल गर्नुका साथै काम गर्नेहरुलाई सम्मान गर्ने बारे छलल हुने बताए । यसैगरी संघीयता कार्यान्वयका विषयमा भम्भीर छलफल हुने बताए । सम्मेलन बारे जानकारी गराउन सोमबार बुटवलमा आयोजित पत्रकार सम्मेलनमा बोल्दै सभापति पुनले पार्टीभित्र प्रदेश र स्थानिय समितिमा अधिकार प्रदान गर्ने विषयमा संकुचन रहेको उल्लेख गरे । प्रदेशलाई केन्द्रीय समितिले प्रयाप्त अधिकार नदिएको गुनासो गर्दै उनले संघीयताको मर्म अनुसार वडातहदेखि केन्द्र तहसम्म अधिकार प्रत्यायोजन हुन आवश्यक रहेको उल्लेख गरे ।

काँग्रेसले लुम्बिनीमा सबैभन्दा पहिले सम्मेलनको आयोजना गरि पदेश सम्मेलनको सरुवात गर्न लागेको हो । अधिवेशनमा संघीयता कार्यान्वयनका लागि स्थानीय, प्रदेश तथा संघ सरकारलाई जिम्मेवार बनाउने गरी छलफल हुने सभापति पुनले जानकारी दिए । सम्मेलनमा करिब ६७५ जना प्रतिनिधि सहभागी हुने बताइएको छ । पार्टीको पुस १६ गते हुने केन्द्रीय महासमितिको नीति अधिवेशनमा सुझाब पेस गर्नेगरी छलफल हुने बताइएको छ । सम्मेलनमा समसामयिक विषय र विधान संशोधन बारे छलफल हुने काँग्रेसले जनाएको छ ।

सम्मेलनका लागि राजनीतिक प्रतिवेदन, सांगठनिक प्रतिवेदन तथा आर्थिक प्रतिवेदन लेखनका लागि छुट्टाछुट्टै समिति गठन गरिएको छ भने तयारीका लागि प्रचारप्रसार समिति, अतिथि सत्कार समिति लगायतका उपसमिति गठन गरिएको सभापति पुनले जानकारी दिए । उप समितिले तयार पारेका प्रतिवेदनहरुलाई मंसिर १३ गते बस्ने लुम्बिनी प्रदेश कमिटीको बैठकले अन्तिम रुप दिने उनले बताए । सम्मेलनलाई सम्बोधन गर्न पार्टी सभापति शेरबहादेर देउवासहित वरिष्ठ नेता शेखर कोइराला, महामन्त्रीद्वय गगन थापा र विश्वप्रकाश शर्मा लगायतका नेताहरुले सम्बोधन गर्ने कार्यक्रम रहेको छ ।