घरेलु हिंसा सम्बन्धी परिचयात्मक कार्यक्रम परासीमा सम्पन्न

स्थानीय समाचार

Home
स्थानीय समाचार
घरेलु हिंसा सम्बन्धी परिचयात्मक कार्यक्रम परासीमा सम्पन्न

घरेलु हिंसा सम्बन्धी परिचयात्मक कार्यक्रम परासीमा सम्पन्न

परासी । लैङ्गिक हिंसा विरुद्धको १६ दिने अभियानको तेश्रो दिनको अवसर पारेर परासीमा घरेलु हिंसा सम्बन्धी परिचय तथा छलफल कार्यक्रम सम्पन्न भएको छ । जिल्ला समवन्य समितिको सभाहलमा घरेलु हिंसा सम्बन्धी जानकारीमूलक कार्यक्रम गरिएको हो ।

दाउन्नेदेवी वहुउद्देश्यीय सहकारी संस्था लि.की अध्यक्ष देवी पौडेलको अध्यक्षता र जिल्ला समन्वय समितिका प्रमुख भगौती यादवको प्रमुख आतिथ्यमा कार्यक्रम गरिएको हो । सो अवसरमा सहकारीकी अध्यक्ष पौडेलले २०६६।०६७ देखि अल्पकालिन सेवा केन्द्रले गरेका कामहरुको बारेमा जानकारी गराउनु भएको थियो । कार्यक्रममा कानून व्यवसायी एवं अभिवक्ता बाबुराम खड्काले सहजिकरण गर्नु भएको थियो ।

कार्यक्रममा नवलपरासी जिल्लाका सातैवटा पालिकाका उपप्रमुखहरु, प्रमुख जिल्ला अधिकारी विश्व प्रकाश अर्याल लगायतले लैङ्गिक हिंसा विरुद्धको १६ दिने अभियान र घरेलु हिंसाको बारेमा प्रकास पार्नु भएको थियो ।

सो कार्यक्रममा जिल्लामा लैङ्गिक हिंसामा परेकाहरुको सेवाकालागि खोलिएको अल्पकालिन सेवा केन्द्र सञ्चालनको मार्गनिर्देश तयार पार्न कानून व्यवसायी एवं अधिवक्ता खड्कालाई जिम्मेवारी दिइएको छ ।

जिल्लामा हिंसामा परेका महिलाहरुले अल्पकालिन सेवा केन्द्र परासी, जिल्ला प्रहरी कार्यालयमा रहेको महिला सेल, जिल्ला अस्पतालमा रहेको एकद्धार संकट व्यवस्थापन प्रणाली (ओसियमसी) र जिल्ला अदालतमा भएको कानूनी सहायता समितिमार्फत निःशुल्क सेवा लिंदै आएका छन् ।
Deurali resurgent