नेकपा एमालेको “झुलाघाट–चिवाभञ्ज्याङ समृद्धिकाे सङ्कल्प यात्रा” शुरु

राजनीति

Home
राजनीति
नेकपा एमालेको “झुलाघाट–चिवाभञ्ज्याङ समृद्धिकाे सङ्कल्प यात्रा” शुरु

नेकपा एमालेको “झुलाघाट–चिवाभञ्ज्याङ समृद्धिका लागि सङ्कल्प यात्रा” नेकपा एमालेको “झुलाघाट–चिवाभञ्ज्याङ समृद्धिकाे सङ्कल्प यात्रा” शुरु

नेपाली चेली बिहीबार, मंसिर १४, २०८०

फेसबुक पेजबाट

“समृद्ध नेपाल, सुखी नेपाली” को परिकल्पना पूरा गर्ने महाअभियानको रुपमा नेकपा एमालेको “झुलाघाट–चिवाभञ्ज्याङ समृद्धिका लागि सङ्कल्प यात्रा” विहिवार आजदेखि शुरु भएको छ ।

पुस १ गतेसम्मको लामो यात्राको एमालेका अध्यक्ष तथा पूर्वप्रधानमन्त्री केपी शर्मा ओलीले बैतडीको झुलाघाटमा नेपाली झण्डा झण्डोत्तोलन गरेर सङ्कल्प यात्रा शुभारम्भ गर्नुभएको हो । अध्यक्ष ओलिले राजनीतिक अस्थिरता अन्त्य गर्न तथा सकारात्मक परिवर्तनका लागि अभियान थालिएको बताउनु भएको छ ।

झुलाघाटबाट शुरु भएको झण्डै २ हजार किलोमिटर लामो सङ्कल्प यात्रा मध्यपहाडी लोकमार्ग पार गर्दै आगामी पुस १ गते चिवाभञ्ज्याङ पुगेर यात्राको समापन गरिने नेकपा एमालेले जनाएको छ ।

सङ्कल्प यात्राका क्रममा मध्यपहाडी लोकमार्गमा रहेका बस्ती तथा सहरमा बसोबास गर्ने स्थानीय बासिन्दासँग अन्तरक्रिया गर्ने, मध्यपहाडी क्षेत्रका समस्याबारे छलफल चलाउने, पहाडका बासिन्दा पलायन हुनबाट रोक्ने र पहाडी क्षेत्रमै अवसरको सिर्जना गर्न आवश्यक योजना बनाउने उद्देश्य रहेको एमालेका नेताहरूले बताएका छन् ।