सुनवल जेसीजद्वारा भगिनी शाखा नविकरण कार्यक्रम सम्पन्न

स्थानीय समाचार

Home
स्थानीय समाचार
सुनवल जेसीजद्वारा भगिनी शाखा नविकरण कार्यक्रम सम्पन्न

सुनवल जेसीजद्वारा भगिनी शाखा नविकरण कार्यक्रम सम्पन्न

पश्चिम नवलपरासीमा रहेको सुनवल जेसीजले भगिनी शाखा नविकरण कार्यक्रम सम्पन्न गरेको छ । शनिबार आज एक कार्यक्रमको बीचमा भाइचारा तथा आत्मीयता मजबुत बनाउने उदेश्यले सुनवल जेसीज र गोर्खा जेसीज बीच भगेनी शाखा नविकरण गरिएको हो । शाखा बीचको सम्बन्धलाई नजिक ल्याउन तथा मजबुत बनाउनका लागि सुनवलले स्थापना कालदेखिनै गोर्खा जेसीजसँग भगिनी सम्बन्ध नविकरण गर्दे आइरहेको छ ।

सुनवल जेसीजका अध्यक्ष विकास आचार्य र गोर्खा जेसीजको अध्यक्ष पुस्कर गुरुङ्गको अध्यक्षता तथा लुम्बिनी प्रदेशका प्रदेश सभा सदस्य खड्क बस्नेतको प्रमुख आतिथ्यतामा कार्यक्रम सम्पन्न भएको हो । कार्यक्रमलाई सम्बोधन गर्दै प्रदेश सभा सदस्य बस्नेतले बुटवलमा हुन गइरहेको नेपाल जेसीजको ५० औं राष्ट्रिय महाअधिबेशनमा नवलपरासी पश्चिमबाट उम्मेद्वारी रहेकोे सुनवल, रामग्राम र रामनगर जेसीज शाखालाई सफलताको शुभकामना दिदै एकअर्कावीच हातेमालो गर्दै अगाडि बढ्नु पर्ने कुरामा जोड दिनु भएको थियो । उहाँले समाजलाइ अगाडि बढाउनको लागि जेसीजले क्षमतावान यूवाहरुलाइ उत्पादन गरेको भन्दै केहि गर्न र सिक्न छ भने यूवा जेसीजमा आउनु पर्ने कुरामा जोड दिनु भएको थियो । जेसीजले समयको पालना, नेतृत्व तथा व्यक्तित्व विकास सगैँ अनुशासनका कुरा, एकले अर्कालाइ सहयोग, आदर सत्कार सिकाउने संस्था रहेको बताउनु भयो ।

यस्तै गोर्खा जेसीजका अध्यक्ष गुरुङ्गले शाखा बीच भेट्ने मात्र कार्यक्रम नभएर गोर्खा र नवलपरासीमा भएको सम्भावनालाइ कसरी एकआपसमा साटासाट गर्न सकिन्छ तथा समाजमा भएको विकृति र समस्याहरुलाई निराकरणको लागि शाखाले अहम भुमिका निवाह गर्दे आएको बताउनु भयो । सो अवसरमा आगामी मंसिर २९ गते हुुने राष्ट्रिय महाधिवेशनमा रामग्राम जेसीजबाट सन्दिप अग्रहरी, सुनवल जेसीजबाट विकास आचार्य र रामनगर जेसीजबाट कुसुम चापागाईंको सफलताको शुभकामना व्यक्त गरिएको थियो ।

उक्त अवसरमा गोर्खा जेसीजका पुर्व अध्यक्ष सुबास मल्ल, सुनवल जेसीजको पुर्व अध्यक्ष जिवन पौडेल, रामग्राम जेसीजको अध्यक्ष बेनिमाधव बस्याल सुनवल जेसिजका पुर्व अध्यक्ष जीवन पौडेल लगाएतले बोल्नु भएको सुनवल जेसीजकी महासचिव सपना शर्माले नेपाली चेलीलाई जानकारी दिनु भयो ।

प्रकाशित मिति: शनिबार, मंसिर १६, २०८० १८:१७

प्रतिक्रिया दिनुहोस्