परासी सूचना तथा सञ्चार सहकारी संस्था लि.द्वारा सञ्चालित सामुदायिक रेडियो परासीको प्रथम पदस्थापन समारोह आज परासीमा सम्पन्न भएको छ । संस्थाको गत कार्तिक २३ गते सम्पन १६ औं बार्षिक साधारण सभा तथा छैठौ निर्वाचन कार्यक्रमबाट सर्वसम्मत निर्वाचित राजकुमार रेश्मीको शनिवार आज औपचारीक कार्यक्रममा पदस्थापन भएको हो । रेश्मी नवलपरासी जिल्लामा सफल उद्यमीको रुपमा परिचित हुनुहुन्छ । पत्रकारीमा लामोसमय रहनु भएका रेश्मी यस अघि १५ बर्षसम्म सामुदायिक रेडियो परासीको उपाध्यक्ष पदमा कार्यरत रहनु भएको थियो भने यस अघि संस्थाको नेतृत्व सुमन गोपाल आचार्यले गर्दै आउनु भएको थियो ।
सामुदायिक रेडियो परासीको उपाध्यक्षमा नगेन्द्र अग्रहरी, सचिवमा तोरेन्द्र जि सि, कोषाध्यक्षमा चन्द्रमणी चौधरी, सहसचिवमा गुरुदत्त पौडेल, सदस्यहरुमा माधवप्रसाद पाण्डे, राजकिशोर गुप्ता, विष्णुहरी नेपाल, उपेन्द्र गुप्ता, श्रद्धासुमन आचार्य र मुक्तिप्रसाद पौडेल सर्वसम्मत निर्वाचित हुनुभएको थियो ।
शनिवार निर्वाचन समिति संयोजक राजेन्द्र क्षेत्रीले सर्वसम्मत निर्वाचित संञ्चालक समिति र लेखा समितिका पदाधिकारी तथा सदस्यहरुलाई पद अनुसारको प्रमाण पत्र प्रदान गर्नुभएको छ। यसैगरी साधारण सभाले आगामी ४ बर्षेका लागि पेउनारायण न्यौपानको नेतृत्वमा लेखा सुपरिवेक्षण समिति सर्वसम्मत चयन गरेको छ । जसको सदस्यमा तारा देवी शर्मा र गोविन्द न्यौपाने रहनु भएको छ भने जिल्ला सहकारी संघको प्रतिनिधिमा ईन्द्र बहादुर क्षेत्रि निर्वाचन हुनु भई उहाँहरुको पनि आजै पदस्थापन गरिएको छ ।
कार्यक्रममा पूर्वगृहराज्यमन्त्री देवेन्द्रराज कंण्डेलको प्रमुख आतिथ्यता रहेको थियो । सो अवसरमा पूर्वगृहराज्यमन्त्री कण्डेलले देशको बदलिँदो परिवेशमा आमसञ्चारमाध्यम सूचना तथा समाचार प्रवाह गर्दा थप जिम्मेवार बन्नुपर्नेमा जोड दिनुभयो ।
कार्यक्रममा जिल्ला समन्वय समितिका प्रमुख भगौती यादव रुदल, रामग्राम नगरपालिका वडा नं. १ का वडा अध्यक्ष रुद्रप्रकाश उपाध्याय, रोटरी कल्ब अफ नवलपरासीका अध्यक्ष विरेन्द्रकुमार अग्रहरी, रेडियो परासीका सल्लाहाकार हरिकुमार ढकाल लगायतले नयाँ नेतृत्वलाई सफलताको शुभकामना व्यक्त गर्नुभएको संस्थाका सचिव तोरेन्द्र जि.सीले नेपाली चेलीलाई जानकारी दिनु भयो ।
सामुदायिक रेडियो परासी ९०.२ मेगाजर्हले आफ्नो स्थापनाको १६ बर्ष प्रवेशको अवसरमा गत कार्तिक १७ गते देखि २३ गतेसम्म विभिन्न रचनात्मक कार्यक्रम गरी सप्ताहव्यापी कार्यक्रम सञ्चालन गरेको सामुदायिक रेडियो परासीका प्रवन्ध निर्देशक मेघराज गौतमले जानकारी दिनु भयो ।
