प्रधानमन्त्री दाहालका कारण लोकतन्त्र खतरामा: मानवअधिकारकर्मी पहारी

राजनीति

Home
राजनीति
प्रधानमन्त्री दाहालका कारण लोकतन्त्र खतरामा: मानवअधिकारकर्मी पहारी

नागरिक सम्बाद प्रधानमन्त्री दाहालका कारण लोकतन्त्र खतरामा: मानवअधिकारकर्मी पहारी

galaxy parasi

परासी । मानव अधिकार तथा शान्ति समाजले सोमबार परासीमा नागरिक सम्बाद कार्यक्रम गरेको छ । सो कार्यक्रममा मानव अधिकार तथा शान्ति समाजका संस्थापक सभापती कृष्ण पहारीले प्रधानमन्त्री पुष्पकमल दाहाल प्रचण्डका कारण लोकतन्त्रमा खतरा उत्पन्न भएको आरोप लगाउनु भएकोछ । उहाँले प्रधानमन्त्री प्रचण्ड अराजक बन्दै गएको टिप्पणी गर्दै व्यवस्थामाथि पुर्वराजा बाटभन्दा पनि प्रचण्डबाटै खतरा रहेको बताउनु भयो ।

प्रधानमन्त्री प्रचण्डले संयुक्त राष्ट्रसंघमा गएर झुठो बोलेको बताउदै शान्ती समाजका अगुवा पहारीले “सरकारमै बसेर आन्दोलन गर्छु भन्न मिल्छ” भन्दै प्रश्न गर्नु भयो । उहाँले दलहरुकै कारण पछिल्लो समय नागरिकमा वितृष्णा बढेको र हालको व्यवस्थामाथि नै प्रश्न उठ्दा समेत दलहरु शान्त बस्नुले अचम्म लागेको बताउनुभयो । उहाँले यो देश कुनै नेता वा दल वा प्रधानमन्त्रीले चलाएको नभई विचौलियाले चलाएको दावि गर्नु भयो ।

नागरिक सम्बाद कार्यक्रममा लुम्बिनी प्रदेश सभा सदस्य बैजनाथ कलवार, जिल्ला समन्वय समितिका प्रमुख भगौती यादव, नागरिक समाजका अध्यक्ष राधेश्याम सिंह सैथवार, भ्रष्ट्राचार विरुद्धको नागरिक निगरानी समूहका अध्यक्ष रामजी ज्ञवाली, समाजका निवर्तमान केन्द्रीय सभापति सन्तोष अधिकारी र विभिन्न राजनीति दलका प्रतिनिधिहरुले मुलुकको वर्तमान अवस्थाका बारेमा सम्बाद गर्नु भएको थियो ।

नागरिक सम्बाद कार्यक्रम मानव अधिकार तथा शान्ति समाज नवलपरासीका अध्यक्ष गणेश न्यौपानेको अध्यक्षतामा भएको हो । ७५ औं अन्तर्राष्ट्रिय मानव अधिकार दिवसको अवसरमा शान्ति समाजले पोखराबाट देशभर अभियानको रुपमा कार्यक्रम गरिरहेको जनाएको छ ।