बास, निगालो तथा बेतबाट सजावट एवं हस्तकलाजन्य बस्तु उत्पादन सम्बन्धी १५ दिने तालिम भुमहि शुरु

स्थानीय समाचार

Home
स्थानीय समाचार
बास, निगालो तथा बेतबाट सजावट एवं हस्तकलाजन्य बस्तु उत्पादन सम्बन्धी १५ दिने तालिम भुमहि शुरु

सजावट एवं हस्तकलाजन्य बस्तु उत्पादन सम्बन्धी आज देखि भुमहिमा तालीम बास, निगालो तथा बेतबाट सजावट एवं हस्तकलाजन्य बस्तु उत्पादन सम्बन्धी १५ दिने तालिम भुमहि शुरु

डोल्मा चौधरी मंगलबार, पुस १७, २०८०

डोल्मा चौधरी

परासी । बास, निगालो तथा बेतबाट सजावट एवं हस्तकलाजन्य बस्तु उत्पादन सम्बन्धी तालिम मंगलबारदेखि सुनवल नगरपालिकाकाे भुमहिमा शुरु भएको छ ।

निकासीजन्य वस्तुहरूको अन्तर्राष्ट्रिय बजारमा पहुँचका लागी महिलाहरुलाइ आत्मनिर्भर बनाउने उदेश्यले स्थानीय स्तरमा पाईने कच्चा पर्दाथबाट सामग्री निमार्णको तालिम शुरु गरिएको हो। सहयोगि संस्था सुपर डाइनमिक ट्रेनिंग एण्ड एजुकेशलन प्रा.लि र तालिम माग गर्ने स्वनिर्भर अभियान नेपाल तथा नेपाल सरकार उद्योग बाणिज्य तथा आपूर्ती मन्त्रालय प्रवर्द्धन केन्द्रको आयोजनामा १५ दिने तालिम भुमहिमा शुरु भएको छ । ४० जना गृहणी महिलाको सहभागिता रहेको तालिममा सजावट एवं हस्तकलाजन्य बस्तु उत्पादन सम्बन्धी मुख्य प्रशिक्षकको रुपमा रजनि राई चित्रकार रहनु भएको छ ।

सुपर डाइनमिक ट्रेनिंग एण्ड एजुकेशलन प्रा.लि बागबजार काठमाडौंको अध्यक्ष अप्सरा अधिकारीको अध्यक्षतामा तथा सुनवल नगरपालिका वडा नं.१२ का अध्यक्ष चुडामणि पौडेलको प्रमुख आतिथ्यतामा तालिमको उदघाटन गरिएको हो । सो अवसरमा बोल्दै प्रमुख अतिथी पौडेलले धेरै राम्रो कामको शुरुवात संस्थाले गरेको भन्दै शुभकामना ब्यक्त गर्नुभयो । साथै महिलाहरुलाई सक्षम एवं स्वनिर्भर बनाउनकालागि तालिम महाेत्वपूर्ण रहेको बताउदै सिकाई पछि आर्थिक पाटो मजबुत बनाउनकालागि व्यवहारीक जीवनमा लागुगर्न सहभागिहरुलाई आग्रह गर्नु भयो । उहाँले अगामी दिनहरुमा यस्ता तालिमको आयोजना वडा बाटै गर्ने प्रतिवद्वता समेत ब्यक्त गर्नु भयो ।

सो अवसरमा स्वनिर्भर अभियान लुम्बिनी प्रदेश संयोजक एवं नवलवरासीकी अध्यक्ष दुर्गा पाण्डे, वडा नं. १२ का पुर्व अध्यक्ष यमलाल पाण्डे, कानुन व्यवसायिक तथा अधिवक्ता महिला अधिकारकर्मी सरस्वती शर्मा, स्वनिर्भर अभियान नवलपरासीकी सदस्य डोल्मा चौधरी लागाएतले बोल्नु भएको स्वनिर्भर अभियान नवलपरासीकी सचिव डिमकला भण्डारीले जानकारी दिनु भयो ।

प्रकाशित मिति: मंगलबार, पुस १७, २०८० १८:२६

प्रतिक्रिया दिनुहोस्