नवलपरासीका दुई पालिकामा कार्यक्षेत्र भएको हरियाली सामुदायिक वनको १६ औं बार्षिक साधारण सभा सम्पन्न

पर्यावरण

Home
पर्यावरण
नवलपरासीका दुई पालिकामा कार्यक्षेत्र भएको हरियाली सामुदायिक वनको १६ औं बार्षिक साधारण सभा सम्पन्न

नवलपरासीका दुई पालिकामा कार्यक्षेत्र भएको हरियाली सामुदायिक वनको १६ औं बार्षिक साधारण सभा सम्पन्न

परासी । रामग्राम र सरावल गाउँपालिका कार्यक्षेत्र भएको बसन्त सामुदायिक बन उपभोक्ता समूहको १६ औं बार्षिक साधारण सभा शनिवार सरावल २ मगरमुडाहामा सम्पन्न भएको छ । वन समूहका अध्यक्ष प्रहलाद पासीको अध्यक्षता र सव—डिभिजन कार्यालय बर्दघाटका प्रमुख रविन्द्रनाथ चौधरीको प्रमुख आतिथ्यतमा साधारण सभा सम्पन्न भएको हो । साधारण सभामा वनको आधिकारीक क्षेत्रका १७ सय घरधुरीबाट प्रतिनिधिमूलक सहभागीता रहेको थियो ।

करिव पाँच सय हेक्टरमा फैलिएको बन क्षेत्रका उपभोक्ताहरु सरावल गाउँपालिकाको वडा नं. १, २, ३ तथा रामग्राम नगरपालिका वडा नं. १७ का उपभोक्ताहरु रहेका छन् । साधारण सभामा अध्यक्षको प्रतिवेदन समूहका अध्यक्ष प्रहलाद पासीले प्रस्तुत गर्नु भएको थियो भने कोषाध्यक्षको प्रतिवदेन कोषाध्यक्ष राजाराम यादवले प्रस्तुत गर्नु भएको हो । प्रस्तुत भएको दुवै प्रतिवेदनहरु पास भएका छन् ।

सो अवसरमा सामुदायिक बन महासंघका प्रेदश सदस्य नारायण पाण्डे, सरावल वडा नं. २ का सदस्य तुफानीलाल गुप्ता, समाजसेवी रणवहादुर सार्की, दुर्गामन्दीर व्यवस्थापन समितिका अध्यक्ष प्रेम बहादुर खड्का लगायतले शुभकामना व्यक्त गर्नु भएको संस्थाका सचिव लिलाधर पाण्डेले जानकारी दिनु भयो ।