चिसो कारण जनजीवन प्रभावित बन्दै गएपछि सरावल गाउँपालिकाद्वारा दाउरा वितरण

स्थानीय समाचार

Home
स्थानीय समाचार
चिसो कारण जनजीवन प्रभावित बन्दै गएपछि सरावल गाउँपालिकाद्वारा दाउरा वितरण

दाउरा वितरण चिसो कारण जनजीवन प्रभावित बन्दै गएपछि सरावल गाउँपालिकाद्वारा दाउरा वितरण

परासी ।

सरावल गाउँपालिकाले चोक चौरहा एवं विभिन्न स्थानमा दाउरा वितरण गर्न शुरु गरेको छ । केहि दिन देखि चिसो बढदै गएको कारण जनजीवन प्रभावित बन्दै गएपछि गाउँपालिकाले दाउरा वितरण गर्न शुरु गरेको हो ।

बिहानैदेखि बाक्लो हुस्सु लाग्ने, शीतलहर चल्ने लगायत मौसम प्रतिकूल हुन थालेपछि दैनिक जीवनयापनमा समस्या उत्पन्न हुन थालेपछि दाउरा बितरण गर्न सुरुवात गरिएको सरावल गाउँपालिका अध्यक्ष सुखाडी प्रसाद चौधरीले बताउनुभयो । बढ्दै गएको चिसोलाई मध्यनजर गर्दै त्यसबाट प्रभावितलाई राहतस्वरुप सरावल गाउँपालिका वडा नम्बर १ देखि ७ सम्मको बजारका चोकचोकमा दाउरा वितरण गरिएकोे पालिका अध्यक्ष चौधरीले बताउनुभयो ।

पालिका अध्यक्ष चौधरीले शीतलहर सँगै चल्ने चिसो हावाका कारण केही दिनयता जनजीवन प्रभावित बन्दै गएपछि बजारका मुख्य मुख्य चोकमा दाउरा वितरण गरिए पनि आजदेखि भित्री बस्ती तथा चोकमा समेत दाउरा वितरण गरिने जानकारी दिनुभयो । मानिसहरुको चहलपहल र चाप बढी भएका ठाउँहरु हेरेर आवश्यकता अनुसार दाउरा वितरण गरिएको वडा नम्बर ४ वडा अध्यक्ष सुरेश यादवले बताउनुभयो । दाउरा पाउनसाथ स्थानीय खुशी ब्यक्त गरेका छन। शीतलहर सँगै चिसो अत्यधिक बढ्दै गएपछि यस क्षेत्रको जनजीवन कष्टकर बन्दै गएको छ । चिसोबाट बालबालिका , गर्भवती महिला र वृद्धवृद्धा बढी प्रभावित भएका छन् ।

#rastiyadainik

प्रकाशित मिति: शुक्रबार, पुस २७, २०८० १२:३९

प्रतिक्रिया दिनुहोस्