नवलपरासीमा राष्ट्रसेवक साकोसको २१ औं साधारण सभा सम्पन्न

अर्थ - वाणिज्य

Home
अर्थ - वाणिज्य
नवलपरासीमा राष्ट्रसेवक साकोसको २१ औं साधारण सभा सम्पन्न

नवलपरासीमा राष्ट्रसेवक साकोसको २१ औं साधारण सभा सम्पन्न

परासी । २ सय ९० जना शेयर सदस्य रहेको राष्ट्रसेवक बचत तथा ऋण सहकारी सस्था लि. रामग्राम ३, परासीको २१ औं बार्षिक साधारण सभा शुक्रवार परासीमा सम्पन्न भएको छ । सहकारीले चालु आ.व. २०८०/०८१ का लागी ४ करोड ६८ लाख ७१ हजारको बराबरको बजेटको लक्ष्य लिएको छ ।

सहकारीको साधारण सभा संस्थाका अध्यक्ष गणेशप्रसाद घिमिरेको अध्यक्षता र नेपाल निजामति कर्मचारी संगठनका केन्द्रीय उप—महासचिव रामचन्द्र अधिकारीको प्रमुख आतित्थ्यमा सम्पन्न भएको हो ।

साधारण सभामा सहकारीका अध्यक्ष गणेशप्रसाद घिमिरेले अध्यक्षको प्रतिबेदन, सचिव सावित्रा पराजुलीले संस्थाको साँगठानीक प्रतिवेदन, कोषाध्यक्ष खगेश्वर पन्थीले लेखा प्रतिवेन पेश गर्नु भएको थियो भने साधारण सभाबाट सवै प्रतिबेदनहरु सर्वसम्मत पारित गरेको संस्थाका व्यवस्थापक चिन्तामणी भट्टराईले जानकारी दिनुभयो ।

सो अवसरमा पेशागत विभिन्न संघसंगठनहरुका प्रतिनिधिहरुले सहकारीको उन्नती र प्रगतिको शुभकामना व्यक्त गरेका थिए । नेपाल निजामति कर्मचारी संगठनको पहलमा देशभर ६९ वटा राष्ट्रसेवक साकोस सञ्चालनमा रहेको बताइएको छ ।