विपद् व्यवस्थापन समिति नवलपरासीद्वारा १०७ गरिब तथा विपन्न वर्गहरूलाई न्यानो कपडा वितरण

स्थानीय सरकार

Home
स्थानीय सरकार
विपद् व्यवस्थापन समिति नवलपरासीद्वारा १०७ गरिब तथा विपन्न वर्गहरूलाई न्यानो कपडा वितरण

विपद् व्यवस्थापन समिति नवलपरासीद्वारा १०७ गरिब तथा विपन्न वर्गहरूलाई न्यानो कपडा वितरण

पश्चिम नवलपरासी जिल्ला प्रसाशन कार्यालयको आधिकारीक पेजबाट

विपद् व्यवस्थापन समिति पश्चिम नवलपरासीद्वारा गरिब तथा विपन्न वर्गहरूलाई न्यानो कपडा वितरण गरिएको छ।

बढ्दो चिसो तथा शीतलहरलाई मध्यनजर गरी विपद व्यवस्थापन समिति द्वारा जिल्लाभित्रका विभिन्न बस्तीहरूका १०७ गरिब असहाय तथा विपन्न परिवारहरूलाई न्यानो कपडा वितरण गरिएको जिल्ला प्रसाशन कार्यालयका प्रमुख एव विपद व्यवथापन समितिका अध्यक्ष सुरेश पन्थीले जानकारी दिनु भयो। रामग्राम नगरपालिकाको वडा नम्बर १५, १६ र १७ त्यसै पालीनन्दन गाउँपालिकाको वडा नम्बर १, २ र ३ का विपन्न असहाय तथा गरिबहरूलाई न्यानो कपडा वितरण गरिएको उहाँले बताउनु भयो ।

यस्तै प्रतापपुर गाउँपालिकाको वडा नम्बर ६ स्थित मुसहर बस्तीमै पुगी व्यवस्थापन समितिले ३६ परिवारलाई न्यानो कपडा वितरण गरेको छ । उक्त अवसरमा जिल्ला प्रहरी कार्यालयका प्रहरी नायब उपरीक्षक एवं सूचना अधिकारी रेशम बोहरा, जिल्ला रेडक्रसका प्रमुख , पत्रकार महासङ्घ नवलपरासीका अध्यक्ष हरि शर्मा तथा जनप्रतिनिधि लगायतको उपस्थिति रहेको थियो ।

प्रकाशित मिति: सोमबार, माघ ८, २०८० १३:०३

प्रतिक्रिया दिनुहोस्