रामग्राम नगरपालिकाको ११ औं नगरसभा सम्पन्नः झरही खोलामा तटबन्ध गर्न १ करोड रकम विनियोजन

स्थानीय समाचार

Home
स्थानीय समाचार
रामग्राम नगरपालिकाको ११ औं नगरसभा सम्पन्नः झरही खोलामा तटबन्ध गर्न १ करोड रकम विनियोजन

रामग्राम नगरपालिकाको ११ औं नगरसभा सम्पन्नः झरही खोलामा तटबन्ध गर्न १ करोड रकम विनियोजन

पश्चिम नवलपरासीको रामग्राम नगरपालिकाले सदरमुकामलाई बाढीबाट बचाउन १ करोड रकम विनियोजन गरेको छ । झरही खोलामा तटबन्ध सहितको कोरिडोर निर्माण गर्न ११ औं नगर सभाबाट १ करोड रकम विनियोजन गरिएको नगरप्रमुख धनपत यादवले बताउनु भयो ।

यस्तै परासीमा सुविधा सम्पन्न सपिङ्ग कम्प्लेक्सको आवश्यकतालाई मध्यनजर गर्दै बजेट विनियोजन गरेको छ । तत्कालका लागि नगरको आयश्रोतलाई मध्यनजर गर्दै ५० लाख रकम सपिङ्ग कम्पेल्कसका लागि विनियोजन गरिएको नगर प्रमुख यादवले जानकारी दिनु भयो ।

बुधबार सम्पन्न ११ आँै नगरसभाको बारेमा विहिवार नगरप्रमुख यादवले पत्रकार सम्मेलन मार्फत सो कुरा जानकारी गराउनु भएको हो । सभामा नगर उपप्रमुख सम्झना चौधरीले आर्थिक वर्ष २०७९÷८० को संशोधित बजेट तथा कार्यक्रम, नगरपालिकाले नगर विकासका लागि गर्ने क्रियाकलाप प्रस्तुत गर्नुभएको थियो ।

नगरपालिकाका प्रमुख प्रशासकीय अधिकृत मानबहादुर खड्काले प्रस्तुत गर्नुभएको नीतिगत र प्रशासनिक निर्णयहरु सभाबाट पारित भएका छन् । पत्रकार सम्मेलनमा बोल्दै प्रमुख प्रशासकिय अधिकृत खड्काले चैत भित्र योजना सम्पन्न गर्नेगरी नगरपालिकाले काम थालेको बताउनुभयो । असारमा मात्रै योजना सम्पन्न गर्नेगरी काम गर्ने प्रवृतिलाई अन्त्य गर्नका लागि आफुहरुले समयमै योजना सम्पन्न गर्न काम गरीरहेको जानकारी दिनुभयो ।

आर्थिक विकास समितिका संयोजक तथा वडा नम्बर ४ का अध्यक्ष मदन यादवबाट विनियोजन ऐन २०७९ लाई शंशोधन गर्न बनेको विनियोजन विधेयक २०७९ लाई सर्वसम्मत रुपले पारीत भएको नगरप्रमुख यादवले बताउनु । यस्तै चालु आर्थिक वर्षका लागि स्वीकृत बजेट तथा कार्यक्रम कार्यन्वयन गर्दा बचत हुने रकम र कुनै योजना संचालन हुन नसकिने अवस्थामा रहेको रकमबाट ८ करोड ९२ लाख ७० हजार २१ रुपैयाको बजेट रकमान्तर गरिएको छ ।
रामग्राम नगरपालिका वडा नं. १७ का वडा अध्यक्ष कन्है प्रसाद कोईरीले नगरपालिकाको स्वास्थ्य सेवालाई व्यवस्थित गर्न बनेको स्वास्थ्य नीति २०७९ र स्वास्थ्य विधेयक २०७९ सभामा प्रस्तुत गर्नु भएको थियो सो विधेयक पनि पास भएको छ ।

प्रकाशित मिति: बिहीबार, पुस २८, २०७९ १९:४७

प्रतिक्रिया दिनुहोस्