सरावलमा २१ दिने व्यवसाय दर्ता शिविर आजदेखि शुरु

स्थानीय सरकार

Home
स्थानीय सरकार
सरावलमा २१ दिने व्यवसाय दर्ता शिविर आजदेखि शुरु

सरावलमा २१ दिने व्यवसाय दर्ता शिविर आजदेखि शुरु

परासी । सरावल गाउँपालिकाले २१ दिने व्यवसाय दर्ता शिविर आज विहिबारदेखि शुरु गरेको छ । ७ वटा वडा रहेको गाउँपालिकाले प्रत्येक वडामा तीन दिनसम्म शिविर सञ्चालन गर्ने बताइएको छ ।
५ लाखसम्म स्थिरपूँजी भएका उद्योग तथा व्यवसायको दर्ता र नविकरणका लागि गाउँपालिकाले शिविर सञ्चालन गरेको हो । वडा स्तरमै पुगेर उद्योग तथा व्यवसाय दर्ता गर्दा सेवाग्राहीलाई सहज भएको गाउँपालिकाका उद्योग विकाश शाखा प्रमुख राजन लम्सालले जानकारी दिनुभयो । उहाँले आफ्नो व्यवसाय दर्ता नविकरण गरी कानूनी झन्झटबाट मुक्त हुन आग्रह गर्नु भएको छ ।
सरावल गाउँपालिका वडा नं. १ मा आजदेखि शुरु भएको व्यवसाय दर्ता शिविरमा पहिलो दिन ४ वटा व्यवसायले दर्ता प्रक्रिया शुरु गरेको शाखा प्रमुख वस्यालले बताउनु भयो । अभियान सञ्चालन गरेर गाउँपालिकाले एक सय वढी व्यवसाय दर्ता हुने र दर्ता भई नविकरण नभएका सवै व्यवसायलाई नियमन गरिने बताइएको छ । हालसम्म सरावल गाउँपालिकामा ४ सय १३ वटा व्यवसाय दर्ता रहेको तथ्याङ्क रहेको छ ।

प्रकाशित मिति: बिहीबार, फागुन ३, २०८० १७:४१

प्रतिक्रिया दिनुहोस्