कार्यसम्पादनमा बर्दघाट नगरपालिका नवलपरासीमै पहिलो, प्रतापपुर गाँउपालिका सबैभन्दा कमजोर

स्थानीय सरकार

Home
स्थानीय सरकार
कार्यसम्पादनमा बर्दघाट नगरपालिका नवलपरासीमै पहिलो, प्रतापपुर गाँउपालिका सबैभन्दा कमजोर

कार्यसम्पादनमा बर्दघाट नगरपालिका नवलपरासीमै पहिलो, प्रतापपुर गाँउपालिका सबैभन्दा कमजोर

नवलपरासीको बर्दघाट नगरपालिका कार्यसम्पादनको मुल्यांकनमा जिल्लामै पहिलो भएको छ भने प्रतापपुर गाँउपालिका सबैभन्दा कमजोर देखिएको छ । आर्थिक वर्ष २०७९\०८० को कार्यसम्पादन मूल्यांकनमा नवलपरासीमा रहेको सातै वटा स्थानीय तहमध्ये बर्दघाट नगरपालिका पहिलो भएको हो ।
जिल्लाका सबै स्थानिय तहले प्राप्त गरेको अंक विगत वर्षको तुलनामा यस वर्ष कम देखिएको छ । जसमा कम भएतापनि बर्दघाट नगरपालिले अघिल्ला आर्थिक वर्षमा प्राप्त गरेको अंक भन्दा यस पटक कम अंक मात्र प्राप्त भएपनी पहिलो भएको छ। राष्ट्रिय प्राकृतिक स्रोत तथा वित्त आयोगले सार्वजनिक गरेको प्रारम्भिक नतिजा अनुसार बर्दघाटले ४२ दशमलव ७४ अंक प्राप्त गरेको हो । त्यसै प्रतापपुर गाउँपालिका सबै भन्दा कमजोर देखिएको १८.१६ अंक प्राप्त गरेको छ ।
दोस्रोमा भने ३६ दशमलव ८८ अंक प्राप्त गरी रामग्राम नगरपालिका भएको छ । यसै गरि ३४ दशमलव ६४ अंकका साथ सुनवल नगरपालिका तेस्रो भएको छ । सुस्ताले २८.४०, पाल्हीनन्दनले २३.०८ र सरावलले २०.१६ अंक प्राप्त गरेको छ ।

आयोगले प्रदेश तथा स्थानीय तहको कार्यसम्पादन मूल्यांकन कार्यविधि २०७८ अनुसार विभिन्न १७ सूचकको आधारमा मुल्याङ्कन सार्वजनिक गरेको हो । जसमा असार १० भित्र बजेट पेश गरे -नगरेको, असार मसान्त भित्र बजेट पारित गरे-नगरेको, आय व्ययको प्रक्षेपण पुस मसान्तभित्र अर्थ मन्त्रालयमा पेश गरे÷नगरेको, बजेटको वर्षिक समिक्षा गरी कार्तिक मसान्तभित्र सार्वजनिक गरे÷नगरेको, विनियोजित रकम अनुसार खर्चको व्यवस्था, बेरुजुको अवस्था स्थानीय सञ्चित कोष व्यवस्थापन प्रणाली ९सूत्र०को प्रयोग गरे÷नगरेको जस्ता सूचकहरुका आधार मुल्यांकन गरिएको छ । आवधिक योजना तर्जुमा गरे÷नगरेको, कक्षा १ देखि ८ सम्म खुद विद्यार्थी भर्ना दर, कक्षा–८ को तुलनामा कक्षा–९ मा विद्यार्थी टिकाउ दर, सामुदायिक विद्यालयबाट कक्षा १० मा १.६ भन्दा वा सो भन्दा उच्च जीपीए प्राप्त गरेका विद्यार्थी प्रतिशत, ४ पटक गर्भजाँच गरेका महिलाको अनुपात, कुल गर्भवतीमध्ये सस्थागत सुत्केरी महिलाको अनुपात, पूर्ण खोप पाएका बालबालिकाको अनुपात लगायतका बिभिन्न सूचकहरु रहेका छन् । स्थानीय तहलाई संघीय संचित कोष तथा प्रदेश संचित कोषबाट प्रदान गर्ने वित्तीय समानीकरण अुनदान अन्तर्गत् कार्यसम्पादन मूल्यांकनका आधारमा अनुदान सिफारिसको लागि आयोगले कार्यसम्पादन मूल्यांकन गर्दै आएको छ ।

कार्यसम्पादन मूल्यांकन गर्दा आयोगले स्थानीय तहसँग तथ्यांकहरु मागेर त्यसको आधारमा र उपलब्ध तथ्य सही वा गलत भएको प्रामाणित गरेर सोही आधारमा अंक प्रदान गरिन्छ । प्रदेश तथा स्थानीय तहको कार्यसम्पादन मूल्यांकन कार्यविधि २०७८ को दफा ७ अनुसार कार्य सम्पादन मूलल्यांकन गरी अंक प्रदान गरिएको र प्राप्त अंकमा चित्त नबुझे ७ दिनभित्र निवेदन दिन भनिएको छ ।

प्रकाशित मिति: बिहीबार, फागुन १०, २०८० १२:१०

प्रतिक्रिया दिनुहोस्