विपदमा परेका ६ जना नागरिकलाई रामग्रामद्वारा राहत वितरण

स्थानीय सरकार

Home
स्थानीय सरकार
विपदमा परेका ६ जना नागरिकलाई रामग्रामद्वारा राहत वितरण

विपदमा परेका ६ जना नागरिकलाई रामग्रामद्वारा राहत वितरण

परासी । रामग्राम नगरपालिकाले चालु आ.ब. २०८०।०८१ मा नगरभित्रका ६ जना विपदमा परेका व्यक्तिहरुलाई राहत वितरण गरेको छ । विभिन्न समयमा विपदमा परेका नागरिकहरुलाई राहत वितरण गरिएको नगरपालिकाले जनाएको छ । चट्याङ्ग र आगलागी सम्बन्धी घटनाबाट पिडित बनेका नागरिकहरुलाई राहत वितरण गरिएको थियो ।

रामग्राम नगरपालिका वडा नं. १० मा चट्याङ्ग लागि विनादकुमार कोहारको मृत्यू भएकोमा उहाँका भाइ अजयकुमार कोहारलाई काजकिरिया खर्च उपलब्ध गराइएको थियो । यस्तै रामग्राम नगरपालिका वडा नं. ८ का ओमप्रकाश धरिकारको परालको टौवामा आगलागि, रामग्राम १३ का सम्भा नाउको घरको सर्टरमा विद्युत्त सर्ट भई आलगागि भएकोले ७ हजार राहत प्रदान गरिएको थियो ।

यस्तै रामग्राम ९ की जमुना जोशी, रामग्राम १७ का जितवहादुर केवट र रामग्राम ९ कै रामदेव केवटको घरमा आगलागि हुँदा जनही ५ हजार राहत वितरण गरिएको छ ।

नगरपालिका भित्र नगर स्तरीय विपद व्यवस्थापन समिति रहेको छ । गत माघ २९ र फाल्गुन १ गते बसेको समितिको बैठकले विपदका घटनाहरुको अध्ययन गरी राहत प्रदान गरिएको रामग्राम नगरपालिकाका प्रशासकीय अधिकृत रामलाल भुषालले जानकारी दिनु भयो ।
Damkal Sewa