नवलपरासीमा चालु आ.ब.मा ५ सय ४० उद्योग व्यवसाय फर्म दर्ता : ५५ लाख २८ हजार बढी राजस्व संकलन

अर्थ - वाणिज्य

Home
अर्थ - वाणिज्य
नवलपरासीमा चालु आ.ब.मा ५ सय ४० उद्योग व्यवसाय फर्म दर्ता : ५५ लाख २८ हजार बढी राजस्व संकलन

नवलपरासीमा चालु आ.ब.मा ५ सय ४० उद्योग व्यवसाय फर्म दर्ता : ५५ लाख २८ हजार बढी राजस्व संकलन

डोल्मा चौधरी

परासी । नवलपरासीमा चालु आ.ब.को ७ महिनामा ५ सय ४० वटा विभिन्न प्रकृतिका उद्योग तथा व्यापार दर्ता भएका छन् । उद्योग तर्फ २ सय ३० र बाणिज्य तर्फ ३ सय १० वटा फर्महरु दर्ता भएका हुन । यस्तै कुल ८ सय ३४ वटा उद्योग तथा व्यापारिक फर्महरु नविकरण भएको घरेलु तथा साना उद्योग कार्यालय नवलपरासीले जनाएको छ ।

उद्योग कार्यालयको तथ्याङ्क अनुसार नवलपरासीमा साना र लघु गरी कूल ८ हजार २९१ उद्योग रहेको कार्यलयले जनाएको छ । उद्योगमा कृषि तथा वन पैदावरमा आधारित बढी रहेका छन् । कार्यालयका अनुसार गत आ.ब. २०७९।०८० मा २४५ उद्योग व्यवसाय बन्द भएका थिए । जस अन्तर्गत उद्योग ब्यापार बन्द भएका मध्ये वाणिज्य तर्फ १३३ र उद्योग तर्फका ११२ रहेका थिए । गत बर्षको तुलनामा यस बर्ष २ गुनाले उद्योग बाणिज्यका फर्महरु बन्द हुने क्रममा कमि आएको छ । यस्तै चालु आर्थिक बर्षको हालसम्ममा जम्मा ८८ वटा फर्महरु लगत कट्टा अर्थात बन्द गरिएका छन् । जसमा ४६ उद्योग छन् भने ४२ वटा बाणिज्य फर्म रहेको बताइएको छ ।

अहिले पुरुष भन्दा महिला उद्यमीको नाममा उद्योग तथा व्यापार दर्ता तथा नविकरणमा बृद्धि भईरहेको छ । महिला उद्यमी १४५ र पुरुष उद्यमी ११४ जना रहेका घरेलु तथा साना उद्योग नवलपरासीका उद्योग अधिकृत पुरुषोत्तम पौडेलले बताउनु भयो । महिलाहरुको नामका रहेका उद्योग तथा व्यापारले करमा छुट पाउने भएकोले महिलाहरुको नामबाट उद्योग दर्ता बढि रहेको हालको अवस्थामा महिलाहरु उद्योग व्यसायमा बढी सक्रिय देखिएका तथा पुरुषहरु विदेश पलायान हुने भएकोले महिलाको नामबाट उद्योग दर्ता बढि भएको उद्योग अधिकृत पौडेलले जानकारी दिनु भयो ।

उद्योग कार्यालय नवलपरासीका अनुसार जिल्लामा दर्ता भएका उद्योग तथा वाणिज्य तफका फर्महरुले यस वर्ष ८९७ जनालाई रोजगार प्रदान गरेका छन् । जसमा ३८३ जना महिला छन् भने ५४१ जना पुरुषहरु रहेको बताइएको छ । यस्तै चालु आ.ब.को ७ महिनामा दर्ता, नविकरण, लगत कट्टाबाट ५५ लाख २८ हजार ८ सय ७० रुपैया बराबरको राजस्व संकलन भएको छ ।

गत बर्षको यहि अवधिमा ३६ लाख ४२ हजार ५ सय ८० रुपैयाँ बराबरको राजस्व उठेको कार्यालयले जनाएकोछ । अघिल्लो वर्षको तुलनामा चालु आ.ब. २०८०।०८१ मा नयाँ उद्योग व्यवसाय दर्ता समेत बढि रहेको छ । दैनिक रुपमा कार्यालयमा १० देखि १५ वटा फर्महरुमा ७ देखि ८ वटा नयाँ दर्ता २ देखि ३ वटा लगतकट्टा तथा ३ देखि ५ वटा नामसारी वा ठाउँ सारी गरिंदै आएको उद्योग अधिकृत पौडेलले जानकारी दिनु भयो ।

प्रकाशित मिति: मंगलबार, फागुन १५, २०८० ११:२६

प्रतिक्रिया दिनुहोस्