पाल्हीनन्दनको वहुसरोकारवाला फोरमको संयोजकमा एलिसा सेन ठकुरी चयन

स्थानीय समाचार

Home
स्थानीय समाचार
पाल्हीनन्दनको वहुसरोकारवाला फोरमको संयोजकमा एलिसा सेन ठकुरी चयन

पाल्हीनन्दनको वहुसरोकारवाला फोरमको संयोजकमा एलिसा सेन ठकुरी चयन

पाल्हीनन्दन । नवलपरासीको पाल्हीनन्दन गाउँपालिकामा गठीत बहुसरोकारवाला फोरमको संयोजकमा आगामी २ बर्षकालागि आशिष सामाजिक सेवा नेपालकी प्रमुख एलिसा सेन ठकुरी चयन हुनु भएको छ ।

परासीमा मंगलबार बसेको फोरमको बैठकले आगामी २ बर्षकालागि ठकुरीलाई संयोजकको जिम्मेवारी दिएको हो । पाल्हीनन्दन गाउँपालिकामा क्रियाशिल विभिन्न संघसंस्थाहरुको कार्यगत एकता, अनुभव आदान प्रदान र आपसी सहकार्य स्थापित गर्ने उद्देश्यले वहुसरोकारवाला फोरम निर्माण गरिएको छ । फोरममा दर्जनवढी संघसंस्थाहरुको सहकार्य रहेको फोरमका सदस्य एवं एविसी नेपालका सहजकर्ता राजेश आर्यले बताउनु भयो ।

Deurali resurgent

सम्पन्न बैठकले बर्ष २०२४ कालागि नयाँ कार्ययोजना पनि निर्माण गरेको छ । विभिन्न ६ वटा कार्यक्रम गर्ने कार्ययोजना तयार पारेको सुनवल सामुदायिक विकास केन्द्रकी परियोजना संयोजक ज्योती सिंह रायले बताउनु भयो ।

फोरमले आमामी ८ मार्चमा अन्तराष्ट्रिय श्रमिक महिला दिवस मनाउने, पालिका स्तरीय लागू पदार्थ दुर्वेशन र रोकथाम विषयक अन्तरसम्वाद सञ्चालन गर्ने, मानव वेचविखन तथा ओसार पसारका विरुद्ध अभियान संचालन गर्ने, नेतृत्व र उत्प्रेरणा तालिम सञ्चालन गर्ने, संघसंस्थाहरुको कार्यप्रगति र योजनाबारे अन्तरसम्वाद गर्ने र पाल्हीनन्दन गाउँपालिकालाई जेड्सी निर्माणमा सहजिकरण गर्ने निर्णय भएको आफन्त नेपालकी विपना सुनारले जानकारी दिनु भयो ।

सुनवल सामुदायिक विकास केन्द्रकी सामाजिक परिचालक राधिका थारुको अध्यक्षतामा बसेको बैठकको सहजिकरण सामुदायिक रेडियो परासी ९०.२ मेगाहर्जका प्रवन्ध निर्देशक मेघराज गौतमले गर्नु भएको हो ।

Diraj Treders