परासीमा जारी ओैद्योगिक व्यापार मेलामा दर्शकको संख्या बढ्न थाल्यो

स्थानीय समाचार

Home
स्थानीय समाचार
परासीमा जारी ओैद्योगिक व्यापार मेलामा दर्शकको संख्या बढ्न थाल्यो

परासीमा जारी ओैद्योगिक व्यापार मेलामा दर्शकको संख्या बढ्न थाल्यो

परासी, । नवलपरासीको सदरमुकाम परासीमा जारी नवलपरासी छैठौँ ओैद्योगिक व्यापार मेलामा दर्शकको उपस्थिति बढ्न थालेको छ । फागुन १६ देखि शुरु भएको मेलामा आज सबैभन्दा बढी दर्शकले मेला अवलोकन गरेको आयोजकले जनाएको छ । नवलपरासी उद्योग वाणिज्य संघको आयोजनामा जारी मेलामा आज शनिबार अन्य दिनको तुलनामा दर्शकको संख्या बढेको संघका अध्यक्ष ओमप्रकाश अग्रहरीले जानकारी दिनुभयो । द

र्शकको संख्या बढेसँगै आर्थिक कारोबार पनि बढेको मेलामा स्टल राखेका व्यवसायीले बताएका छन्। मेलामा आज चोजपुरि क्षेत्रका चर्चित गायक सुनिल पण्डित,गायिका सहिमा श्रेष्ठ लगायतको प्रस्तुति वर्षाका कारण प्रभावित बनेको थियो । आज २० गते उहाँहरुसँगै भोजपुरी गायक अमित पटेल,थारु गायिका अनु चौधरी,वर्षा श्रेष्ठ लगायतको बेजोड प्रस्तुति हुने संघका उपाध्यक्ष एवं सांस्कृतिक संयोजक राजेश गुप्ताले जानकारी दिनुभयो ।

रामग्राम ५ वाईपास रोड नजिकै सञ्चालन भईरहेको मेला फागुन ३० गतेसम्म सञ्चालन हुनेछ । मेलामा स्थानीय उत्पादन,कृषि,लघु उद्यमका उत्पादन सहितका स्टलहरु रहेका छन् । मेलालाई थप आकर्षक बनाउन बाल उद्यानका सामग्री,दैनिक सांस्कृतिक प्रस्तुतिलाई पनि जोड दिईएको छ ।

प्रकाशित मिति: आइतबार, फागुन २०, २०८० ११:१४

प्रतिक्रिया दिनुहोस्