बुटवलमा प्रादेशिक ललितकला प्रदर्शनी शुरु, आगामी २६ गतेसम्म चल्ने

पर्यटन

Home
पर्यटन
बुटवलमा प्रादेशिक ललितकला प्रदर्शनी शुरु, आगामी २६ गतेसम्म चल्ने

बुटवलमा प्रादेशिक ललितकला प्रदर्शनी बुटवलमा प्रादेशिक ललितकला प्रदर्शनी शुरु, आगामी २६ गतेसम्म चल्ने

बुटवल । लुम्बिनी प्रादेशिक ललितकला प्रदर्शनी २०८० मंगलबारदेखि रुपन्देहीको बुटवलमा शुरु भएको छ । आगामी फागुन २६ गतेसम्म सञ्चालन हुने प्रदर्शनीको लुम्बिनी प्रदेशका सभामुख तुलाराम घर्ती मगरले उद्घाटन गर्नु भएको हो । सो अवसरमा बोल्दै सभामुख मगरले कला र संस्कृतिमा लुम्बिनी प्रदेश धनि भएको बताउनु भयो । उहाँले आफ्नो लोककलाको जगेर्ना गर्न आफै सक्रिय बन्नु पर्नेमा जोड दिनु भयो ।

लुम्बिनी प्रदेशका १२ वटै जिल्लाका लुघ उद्यमी र आर्ट व्यवसायीहरुको हस्तकलालाई प्रदर्शनीमा राखिएकोछ । बनमा आधारित लुम्बिनी प्रदेशकै रैथाने कला, हस्तकला र लोककलालाई प्रोत्साहन र प्रवर्दन गर्ने उद्देश्यका साथ गरीएको प्रदर्शनीले लुम्बिनीको कला संस्कृतीलाई जगेर्ना गर्ने विश्वास लिइएकोे छ ।

नेपाल ललितकला प्रज्ञा प्रतिष्ठान लुम्बिनी प्रदेश तथा नेपाल व्यवसायी कलाकार संघ रुपन्देहीको आयोजना र बुटवल उपमहानगरपालिका, तिलोत्तमा नगरपालिका र रामग्राम नगरपालिकाको सहकार्यमा लतिलकला प्रदर्शनी गरिएको हो ।
नेपाल ललितकला प्रज्ञा प्रतिष्ठानका मुर्तिकला विभाग प्रमुख तथा लुम्बिनी प्रदेश समन्वय समिति प्रमुख प्राज्ञ दिनेश्वर महतोको अध्यक्षतामा उद्घाटन कार्यक्रम गरिएको हो । सो अवसरमा बुटवल उपमहानगरपालिकाका प्रमुख खेलराज पाण्डे, तिलोत्तमा नगरपालिकाका प्रमुख रामकृष्ण खाण, नेकपा एमाले प्रदेश उपाध्यक्ष भोजबहादुर श्रेष्ठ लगायतले ललितकलाको विकास र प्रवर्दनकालागि प्रर्दशनी महत्वपूर्ण भएको बताउनु भयो ।

ललितकला प्रदर्शनी बुटवलको रुपन्देही उद्योग संघको सभाहलमा आगामी २६ गतेसम्म सञ्चालन हुने नवलपरासीका बरिष्ठ कलाकार मन गोल्डीले जानकारी दिनु भयो ।

Deurali resurgent