सरावलमा सहकारीहरुको अर्धबार्षिक प्रगति समिक्षा गरियो

अर्थ - वाणिज्य

Home
अर्थ - वाणिज्य
सरावलमा सहकारीहरुको अर्धबार्षिक प्रगति समिक्षा गरियो

सरावलमा सहकारीको अर्धबार्षिक प्रगति समिक्षा सरावलमा सहकारीहरुको अर्धबार्षिक प्रगति समिक्षा गरियो

परासी । सरावल गाउँपालिकाले आइतबार सहकारी संस्थाहरुको अर्धबार्षिक प्रगति समिक्षा गरेको छ । सरावल गाउँपालिका भित्रका २६ वटा विभिन्न विषयगत सहकारीका प्रतिनिधिहरुको उपस्थितिमा अर्धबार्षिक समिक्षा गरिएको हो ।

galaxy parasi

गाउँपालिकाका सहकारी शाखा प्रमुख देशकान्त बस्यालको अध्यक्षता र उपाध्यक्ष बासमती हरिजनको प्रमुख आतिथ्यमा अर्धबार्षिक समिक्षा गरिएको हो । सो अवसरमा उपाध्यक्ष बासमती हरिजनले सहकारीमा देखिएका समस्याहरुलाई समाधान गर्न निराश नभई निरन्तर लागि पर्न संचालकहरुलाई सुझाव दिनु भएको छ । उहाँले सहकारीका संचालकहरुलाई नियमित सहकारी अनुगमन गर्न र आइपर्ने समस्याहरु तत्कालै समाधान गर्न पहल गर्नु पर्ने बताउनु भयो ।

कार्यक्रममा प्रमुख प्रशासकीय अधिकृत विशाल मिश्राले ऋण लगानी र असुलीमा विशेष ध्यान दिन संचालकहरुलाई आग्रह गर्नु भयो । विधि पुर्याएर ऋण लगानी गर्दा सहकारीमा देखिने जोखिम आफै कम भएर जाने उहाँको सुझाव छ ।

nepli cheli
अर्धबार्षिक समिक्षामा सरावल गाउँपालिकामा रहेका सहकारीहरुले समयमै लेखापरिक्षण गरी साधारण सभा पनि सम्पन्न गरेको, प्रत्येक महिनामा पालिकामा पठाउनु पर्ने मासिक प्रतिवेदन पनि पठाउने गरेको, सहकारीलाई कोपोमिसमा आवद्ध गरेको विषयमा समिक्षा गरिएको शाखा अधिकृत बस्यालले जानकारी दिनुभयो ।