नवलपरासीमा महिला प्रेस क्लबले जिल्लाको ३ स्थानिय तहमा अन्तरक्रिया कार्यक्रम सम्पन्न गरेको छ । "भ्रष्टाचार बेथित र विसंगतिका विरुद्ध खबरदारी स्थानीय विकासमा हाम्रो साझेदारी" भन्ने नराका साथ स्थानिय सरकार र बहुसरोकारहरु संग पत्रकार महिलाको भुमिका विषयक अन्तरक्रिया कार्यक्रम सम्पन्न भएको हो । गएको फागुनको १८ गते सुनवल नगरपालिकामा अन्तरक्रिया सम्पन्न भएको थियो । त्यसै गरि फागुनकै २८ गते प्रतापपुर र २९ गते सुस्ता गाउँपालिकामा अन्तरक्रिया कार्यक्रम सम्पन्न भएको छ।
महिला प्रेस कल्बकी अध्यक्ष कल्पना खरेलले कार्यक्रमको औचित्य तथा महिला प्रेस कल्बको अवधारणा पत्र प्रस्तुत गर्नु भएको थियो । सो अवसरमा उहाँले महिला प्रेस क्लब एकमात्र महिला पत्रकार र महिला संचारकर्मिहरूको संगठन भएको बताउनुभयो । समाज परिवर्तनका क्षेत्रमा मात्र नभई समाज रूपान्तरदेखि समाजमा व्याप्त, विसंगति र व्यथितिका विरुद्ध कलम चलाई समाजलाई सुसूचित गराउँदै आए पनि अधिकारका क्षेत्रमा महिला पत्रकार अझैं पनि पछि परेको अध्यक्ष खरेले गुनासो गर्नु भएको थियो । पछिल्लोपटक विभिन्न सञ्चार क्षेत्रमा काम गर्ने महिला पत्रकारहरू विस्थापित हुँदै गएको बताउदै उहाँले पत्रकार महिलाहरूले स्थानीय सरकारबाट असमानजनक व्यवहार समेत झेलेको बताउनुभयो । नवलपरासी जिल्लामा क्रियाशील रहेका पत्रकार महिलाहरूमा समय समयमा आइपर्ने पेशागत समस्याहरु समाधान गरी सचारक्रर्मि पुरुष एवं महिला पत्रकार बीच सुसम्बन्ध कायम गर्न, संस्थागत र पेशागत विकास तथा व्यावसायिक क्षमतासहित पेशाको सुरक्षाका लागि आफ्ना अधिकार सुरक्षित गर्दै सांगठनिक भई समाजमा रहेको भष्टचार विरुद्ध खबरदारी गरि समाजलाइ सुसुचित गराउने उदेश्यले नवलपरासी महिला प्रेस कल्ब अगाडि बढेको अध्यक्ष खरेलले बताउनु भयो ।
सम्पन्न कार्यक्रममा सुनवल नगरपालिकाको नगर प्रमुख विमला अर्याल, प्रतापपुर गाउँ पालिकाका अध्यक्ष उमेशचन्द्र यादव र सुस्ता गाउँपालिका अध्यक्ष टेक नारायण उपाध्यायले महिला प्रेस क्लबलाई शुभकामना व्यक्त गर्दै स्थानीय सरकार सहकार्य गर्न तयार रहेको धारणा राख्नुभयो ।
.jpg)
जिल्लाका लागि सातै पालिकामा जनप्रतिनिधि, राजनैतिक दल, नगर स्तरिय संघ संस्था एवम् सामाजिक अगुवाहरुसंग स्थानिय सरकार र स्थानीय सरोकारसगँ नवलपरासी महिला प्रेस क्लबको भूमिकाू विषय अन्तरक्रिया कार्यक्रम संचालन गरी अभियानकै क्रममा लागेको आयोजक महिला प्रेस क्लबले जानकारी दिएको छ । त्यसैगरी उपस्थित विभिन्न संघसंस्थाका प्रतिनिधिहरूले कुनैपनि प्रलोभनमा नपरी जनताका जायज मुद्दामा उठान गर्न सुझाब दिदै महिला प्रेस क्लबलाई आवश्यक सहयोग गर्न तयार रहेको प्रतिवधता समेत गर्नु भएको छ ।
प्रेस क्लबकी सचिव डोल्मा चौधरीले जिल्लाका बाकि चार पालिका पाल्हीन्दन, सरावल, बर्दघाट र रामग्राममा पनि छिट्टै यो अभियान संचालन हुने जानकारी दिनुभयो । ७ जना तदर्थ समिति सहित १५ जना समिति रहेको यस नवलपरासी महिला प्रेस क्लब यहीँ माघ २९ गते बैधानिक रूपमा दर्ता भएको हो ।
