परासी । प्रेस चौतारी नेपाल नवलपरासीले जिल्लाको पर्यटन प्रवद्र्धनकालागि “पर्यटन सञ्चार यात्रा २०८०” सम्पन्न गरेको छ । जिल्लाको रामग्राम नगरपालिका, सरावल र पाल्हीनन्दन गाउँपालिका भित्रका ऐतिहासिक एवं धार्मिक स्थलहरुको अवलोकन भ्रमण गरिएको हो ।
पर्यटन सञ्चार यात्रामा लुम्बिनी प्रदेशका १२ वटै जिल्लाका पर्यटन पत्रकारहरुको सहभागीता रहेको थियो । सो क्रममा रामग्राम नगरपालिका वडा नं. ७ उजैनीको रामग्राम स्तुपा र कोलिय गणराज्यको राजधानी पण्डितपुर यस्तै पाल्हीनन्दनका लोहरौलीको शिवपार्वती शिद्धधाम, पाल्हीभगवती मन्दिर र नन्दन नगर अवलोकन भ्रमण गरिएको थियो । यस्तै सरावल गाउँपालिकाको वडा नं. ३ को ककरपत्त नगर अवलोकन भ्रमण गरिएको प्रेस चौतारी नेपाल नवलपरासीले जनाएको छ । भ्रमणका क्रममा सरावलको ककरपत्त नगरमा सरावल गाउँपालिकाका अध्यक्ष सुखाडी प्रसाद चौधरी र उपाध्यक्ष वासमती हरिजनले भ्रमण टोलिलाई स्वागत गर्नु भएको थियो । यस्तै पाल्हीनन्दनको नन्दन नगरमा पनि पाल्हीनन्दन ६ का अध्यक्ष किसनलाल यादवले टोलीलाई स्वागत गर्दै नन्दन नगरको बारेमा प्रकाश पार्नु भएको थियो । भ्रमण टोलिलाई पत्रकार बेचु गौंडले गाइडको भूमिका निर्वाह गर्नु भएको थियो ।
नवलपरासीका पर्यटकीय क्षेत्रको प्रर्वद्धन गर्ने उद्देश्यले प्रेस चौतारी नेपाल, नवलपरासी शाखाले शुक्रवार पर्यटन प्रर्वद्धनमा लुम्बिनी प्रदेशका सञ्चारकर्मीहरुको भुमिका बिषयक अन्तरक्रिया कार्यक्रम सम्पन्न गरेको छ । लुम्बिनी प्रदेशका १२ जिल्लाका प्रेस चौतारीमा आवद्ध संञ्चारकर्मिको उपस्थितीमा पर्यटन प्रवद्र्धनमा सञ्चारकर्मीको भूमिका विषयमा छलफल गरिएको छ ।
प्रेस चौतारी नेपाल नवलपरासीका अध्यक्ष मेघराज गौतमको अध्यक्षता र संगठनका लुम्बिनी प्रदेश इन्चार्ज मोहन चापागाईको प्रमुख आतिथ्यता रहेको थियो । प्रदेश इन्चार्ज चापागाईंले नेपाली प्रेस जगतमा अझै पनि दक्षताको खाँचो रहेको बताउनुभयो । उहाँले समाजका सबै क्षेत्रमा चौतारी पुगेको अनुशासित संगठन रहेको दाबि गर्नुभयो ।
सोे कार्यक्रममा प्रेस चौतारी नेपालको केन्द्रीय सचिव प्रकाश आचार्य, जिल्ला समन्वय समितिका प्रमुख भगौती यादव, प्रेस चौतारी नेपाल लुम्बिनी प्रदेशका अध्यक्ष शोभाखर पन्थी, नेकपा एमाले नवलरासी पर्यटन प्रर्वद्धन विभाग प्रमुख देबि अधिकारी , सामुदायिक रेडियो परासीका अध्यक्ष राजकुमार रेश्मी, प्रेस चौतारीका जिल्ला उपाध्यक्ष गौरी शंकर जयसवाल लगायतले प्रेस चौतारीको मर्म र सामाजिक उत्तरदायित्वको विषयमा चर्चा गर्नुभएको थियो ।
अन्तरक्रिया कार्यक्रममा नवलपरासीको पर्यटन प्रर्वद्धनका बारेमा पत्रकार बेचु गौड, पुरातात्विक तथा एतिहासिक स्थल लुम्बिनी, रामग्राम, पण्डीतपुर र तिरौराकोटका बारेमा लुम्बिनी विकास कोषका पुरातत्व विभाग प्रमुख हिमाल उप्रेती र लुम्बिनी प्रदेशको पर्यटन प्रर्वद्धनको कार्ययोजनाका बारेमा प्रदेश मन्त्रालयका उपसचिव गणेश घिमिरेले कार्यपत्र पेश गर्नु भएको थियो ।
