सुनवलमा चालु आ.ब.को फागुन मसान्तसम्म ४२ प्रतिशत योजना सम्पन्न, कुल निकाशाको ९० प्रतिशत खर्च

स्थानीय सरकार

Home
स्थानीय सरकार
सुनवलमा चालु आ.ब.को फागुन मसान्तसम्म ४२ प्रतिशत योजना सम्पन्न, कुल निकाशाको ९० प्रतिशत खर्च

सुनवलमा चालु आ.ब.को फागुन मसान्तसम्म ४२ प्रतिशत योजना सम्पन्न, कुल निकाशाको ९० प्रतिशत खर्च

सुनवल । सुनवल नगरपालिकाले चालु आ.ब.को ९ महिना अर्थात फागुन मसान्तसम्म कुल योजनाको ४२ प्रतिशत योजना सम्पादन गरेको छ । चालु आ.ब.मा तय गरेका कुल ३ सय ५९ योजना मध्ये २ सय ९८ वटा संझौता गरिएको छ भने १ सय ५२ वटा योजना सम्पन्न भएको बताइएको छ ।

संझौता भएका मध्ये नगर स्तरीय ८२ वटा, प्रदेश स्तरीय ८, वडा स्तरीय १ सय ९५ र संघीय ससर्त सहितका १२ वटा योजनाहरु संझौता भई सम्पादनको प्रकृयामा रहेको नगरपालिकाका योजना शाखा प्रमुख पुरुषोत्तम ढकालले जानकारी दिनु भयो ।

रकम निकाशाको आधारमा ९० प्रतिशत खर्च भएको छ । कुल निकाशा ३५ करोड ९७ लाख ४४ हजार १४१ भएकोमा ३२ करोड ६१ लाख २२ हजार खर्च भएको योजना प्रमुख ढकालले बताउनु भयो ।

सुनवल नगरपालिकाले उपभोक्ताहरु मार्फत सञ्चालन गर्ने योजनाहरु वडा स्तरमै पुगेर संझौता गर्ने र उपभोक्ताहरुलाई प्रशिक्षण सञ्चालन गर्ने गरेको छ । नगरपालिकाले चालु आ.बको फागुन मसान्तसम्म २ सय ६० वटा योजनाहरु उपभोक्ता मार्फत सञ्चालनको प्रकृयामा रहेको बताएको छ ।

Deurali resurgent