सरावल १ को बन बाटिका एवं अनुसन्धान केन्द्रलाई पर्यटकीय एवं धार्मिक क्षेत्र बनाईंदै

पर्यटन

Home
पर्यटन
सरावल १ को बन बाटिका एवं अनुसन्धान केन्द्रलाई पर्यटकीय एवं धार्मिक क्षेत्र बनाईंदै

सरावल १ को बन बाटिका एवं अनुसन्धान केन्द्रलाई पर्यटकीय एवं धार्मिक क्षेत्र बनाईंदै

सरावल । सरावल गाउँपालिका वडा नं. १ मा झण्डै १४ विगाहा क्षेत्रफलमा अवस्थित रजहवा शान्ति वन वाटिका एवं अनुसन्धान केन्द्रलाई पर्यटकीय एवं धार्मिक क्षेत्र बनाउन स्थानीय लागी परेका छन् । चुरे क्षेत्रसँग जोडिएको रमणीय क्षेत्र रजहवा यतिबेला श्रीमद् देवी भागवत नवाह ज्ञान महायज्ञका कारण व्यापक चर्चामा रहेको छ । रजहवा, बसन्तनगर पूर्वपश्चिम राजमार्गको बासा चोकदेखि झण्डै ३ किलोमिटर उत्तरतर्फ छ । महायज्ञ गएको चैत्र २७ गतेदेखि शुरु भई आगामी बैशाख ५ गतेसम्म हुनेछ ।

सरावल गाउँपालिका र बनबाटिका अनुसन्धान केन्द्रले उक्त क्षेत्रको डिपिआर नै बनाएर विकासका लागि विभिन्न निकायमा पहल थालेको छ । सो क्षेत्रको विकासकालागि १ अर्व वढीको बिस्तृत डिपिआर बनाइएको बताइएको छ । सो क्षेत्रमा विभिन्न मठमन्दिर, चिल्ड्रेन पार्क, स्वीमिङ्ग पुल लगायत विकास निर्माणको परिकल्पना डिपिआरले गरेको छ ।

अहिले अनुसन्धान केन्द्रभित्र शिवालय मन्दिर, दुर्गादेवीको मन्दिर, बाल उद्यान, तारबार निर्माण, प्रतिक्षालय, सडक निर्माण जस्ता कामहरु भएका छन् । हालसम्म स्थानीय व्यक्ति, गाउँपालिका र लुम्बिनी प्रदेश सरकारबाट करिव ३५ लाख अनुसन्धान केन्द्रको विकासकालागि खर्च गरिएको छ ।
रजहवा शान्ति वन वाटिका एवं अनुसन्धान केन्द्रका अध्यक्ष जनार्दन भण्डारीले अनुसन्धान केन्द्रको विकासकालागि स्थानीय तह, प्रदेश र संघमा पनि पहल र भेटघाट गरिरहेको बताउनु भएको छ ।

प्रकाशित मिति: बिहीबार, चैत २९, २०८० १४:५०

प्रतिक्रिया दिनुहोस्