सरावलमा समृद्धिकालागि वन कार्यक्रम, निजि कृषि वन निर्माणका लागि ५० प्रतिशत अनुदान

पर्यावरण

Home
पर्यावरण
सरावलमा समृद्धिकालागि वन कार्यक्रम, निजि कृषि वन निर्माणका लागि ५० प्रतिशत अनुदान

सरावलमा समृद्धिकालागि वन कार्यक्रम, निजि कृषि वन निर्माणका लागि ५० प्रतिशत अनुदान

परासी । नवलपरासीको सरावल गाउँपालिकाले चालु आ.ब ०८०।०८१ देखि समृद्धिका लागि वन परियोजना सञ्चालनमा ल्याएको छ । महिला, दलित तथा विपन्न वर्गलाई प्राथमिकतामा राखेर पालिकाले परियोजना सञ्चालनमा ल्याएको हो ।

परियोजनाले चालु आ.ब देखि हरियाली वातावरण निर्माणको लक्ष्य बनाएर बुक्षारोपण कार्यलाई अगाडि बढाउन लागेको छ । बुधवार एक सूचना प्रकाशन गर्दै गाउँपालिकाले निजि तथा सार्वजनिक वनमा बृक्षारोपणकालागि २१ दिने सूचना जारी गरेको छ । परियोजनाले निजि वनमा बृक्षारोपण र कृषिवन स्थापना गर्ने गरी लक्षित समूहका नागरिकहरुलाई बनजन्य प्रजातिका एक सय विरुवा बृक्षारोपण गर्न ५० प्रतिशत अनुदान उपलब्ध गराउने भएको हो । यस्तै समूह वा सार्वजनिक स्थानहरुमा बृक्षारोपण गर्नेलाई ९० प्रतिशत अनुदान दिने व्यवस्था गरिएको गाउँपालिकाले जनाएको छ ।

बुधवार सरावल गाउँपालिकाका प्रमुख प्रशासकीय अधिकृत विशाल मिश्राले एक सूचना जारी गर्दै सरावल गाउँपालिकामा कृषि वन स्थापनाको लक्ष्य पूरा गर्न गाउँपालिकाबासीलाई आव्हान गर्नु भएको समृद्धिका लागि वन परियोजनाका वन अधिकृत भूवन भण्डारीले जानकारी दिनु भयो ।