नेकपा एमाले रामग्राम नगरकमिटिको अध्यक्षमा यादव सर्वसम्मत निर्वाचित

राजनीति

Home
राजनीति
नेकपा एमाले रामग्राम नगरकमिटिको अध्यक्षमा यादव सर्वसम्मत निर्वाचित

नेकपा एमाले रामग्राम नगरकमिटिको अध्यक्षमा यादव सर्वसम्मत निर्वाचित

नवलपरासी । पश्चिम नवलपरासीको रामग्राम नगरपालिका नेकपा एमाले नगर कमिटीमा पुनः हरिलाल यादव सर्वसम्मत निर्वाचित हुनु भएको छ । बुधवार सम्पन्न नेकपा एमाले रामग्राम नगरपालिकाको दोश्रो नगर अधिवेशनबाट यादव सर्वसम्मत अध्यक्ष वन्नु भएको हो । अध्यक्ष यादवको यो दोश्रो कार्यकाल हो ।

४९ जनाको कमिटिमा उपाध्यक्षमा सन्तबहादुर चौधरी, सचिवमा सन्देश न्यौपाने, उपसचिवमा मोहम्मद रजाक मिया र नारायणी गडतौला सर्वसम्मत निर्वाचित हुनु भएको रामग्राम नगरकी सहइन्चार्ज एवं निर्वाचन कमिटिकी सदस्य यमकुमारी सुवेदीले जानकारी दिनुभयो ।

यसअघि दोश्रो अधिवेशनको समुदघाटन गर्दै नेकपा एमाले केन्द्रीय कमिटि सदस्य एवं प्रतिनिधि सभाकी साँसद सरीता खनालले नेकपा एमाले एकढीक्का भएर अघि बढ्न आग्रह गर्नुभयो ।

अधिवेशनको उद्घाटन सत्रमा केन्द्रीय सदस्य एवं सुनवल नगरपालिकाकी नगरप्रमुख विमला अर्याल, नेकपा एमाले जिल्ला कमिटि सदस्य दिपेन्द्रकुमार अधिकारी, प्रदेश सदस्य थानप्रसाद गैरे, जिल्ला कमिटी सचिवालय सदस्य रामचन्द्र भण्डारी, जिल्ला कमिटि सदस्य, रामग्राम नगरइन्चार्ज एवं रामग्राम नगरपालिकाका नगरप्रमुख धनपत यादव लगायतले बोल्दै नवनिर्वाचित कमिटीलाई प्रतिवद्ध भएर संगठन निर्माणमा लाग्न आग्रह गर्नुभयो ।

प्रकाशित मिति: मंगलबार, वैशाख ४, २०८१ १९:०७

प्रतिक्रिया दिनुहोस्