बैशाख २१ गते एमाले अध्यक्ष केपि शर्मा ओली नवलपरासी आउने

राजनीति

Home
राजनीति
बैशाख २१ गते एमाले अध्यक्ष केपि शर्मा ओली नवलपरासी आउने

बैशाख २१ गते एमाले अध्यक्ष केपि शर्मा ओली नवलपरासी आउने

परासी । नेकपा एमालेका अध्यक्ष एवं पूर्व प्रधानमन्त्री केपी शर्मा ओली यहि बैशाख २१ गते नवलपरासीको सुनवलमा आउने कार्यक्रम रहेको छ । नेकपा एमाले नवलपरासीको नवौं जिल्ला अधिवेशन बैशाख २१ र २२ गते सुनवलमा हुने भएकोले सोको उद्घाटन गर्न अध्यक्ष ओली नवलपरासी आउन लाग्नु भएको हो ।

म‌‌गलबार परासीमा पत्रकार सम्मेलन गरी नवौं जिल्ला अधिवेशनको समुदघाटन कार्यक्रममा अध्यक्ष ओली आउने कार्यक्रम रहेको जिल्ला अध्यक्ष दिपेन्द्रकुमार अधिकारीले जानकारी दिनु भयो । आजै एमालेले नवौं जिल्ला अधिवेशनको लोगो पनि सार्वजनिक गरिएको छ ।

पार्टीले अधिवेशन सम्पन गर्न विभिन्न १३ वटा उपसमिति गठन गरेको छ । कुल ४२१ प्रतिनिधि हुने जिल्ला अधिवेशनकालागि वैशाख १७ गते एकैदिन प्रतिनिधि छनौटको कार्यक्रम राखिएको लिल्ला सचिव धिरज शर्मा वस्यालले जानकारी दिनु भयो ।

galaxy parasi

एमालेले जिल्ला अधिवेशनकालागि २० संगठीत सदस्य बराबर १ प्रतिनिधि, हरेक ३ पार्टी सदस्य ३ र हरेक ५ सदस्य बराबर २ जना महिला अनिवार्य गरिएको छ भने प्रत्येक ५ प्रतिनिधि बराबर १ युवा प्रतिनिधि अनिवार्य गरेको छ । पार्टीका २२ जनसंगठनबाट १/१ जना प्रतिनिधिको पनि व्यवस्था गरिएको छ । यस्तै उत्पिडित जाति समुदायको हकमा वडा निर्वाचन क्षेत्र रहने गरी ५ जना संगठीत सदस्य बरावर १ जना प्रतिनिधि छनौट हुने पार्टीका उपाध्यक्ष डोलराज भण्डारीले पत्रकार सम्मेलनमा जानकारी दिनु भयो ।

नेकपा एमालेको जिल्ला कमिटि १ सय ५ जनाको हुने बताइएको छ ।